शुक्रबार, कात्तिक ५, २०७८
गृहपृष्ठसमाजचीनसँग जोडिएको भोटेकोशीमा संक्रमण नियन्त्रणको विशेष व्यवस्था(भिडियो)

चीनसँग जोडिएको भोटेकोशीमा संक्रमण नियन्त्रणको विशेष व्यवस्था(भिडियो)


तातोपानी । भोटेकोशी गाउँपालिकाले कोरोना संक्रमण नियन्त्रणका लागि विभिन्न कामहरु गर्दै आएको छ । गाउँपालिका छिर्ने नाकामा हेल्थ डेस्क राखेर गाउँपालिका भित्रनेको स्वास्थ्य परीक्षण थालेको गापाले सम्पुर्ण वडामा गएर जनचेतना जगाउँदै स्वास्थ्य परीक्षण गरेको छ । विदेशबाट आएकाको तथ्याकं संकलन गर्दै गापाले कोरोना परीक्षण पनि गरिसकेको अध्यक्ष राज कुमार पौडेलले जानकारी दिए ।

उनीहरु सबैको रिपोर्ट नेगेटिभ आएको छ । गाउँपालिकाका सबै जनप्रतिनिधिहरु कोरोना संक्रमण नियन्त्रणको प्रयासमा अनवरत लागिपरेको उनको दावी छ । गाउँपालिकाले काठमाडौंमा अलपत्र परेको आठ सय जनाको उद्धार गरेको छ । फेरि पनि केही मानिस अलपत्र परेको भन्ने थाहा पाएकाले उनीहरुको उद्धार छिट्टै गर्ने गापाको योजना छ ।

त्यसैगरी भोेटेकोशीमा रहेको तातोपानी नाकामा अन्तराष्ट्रिय स्तरको हेल्थ डेस्क राखिएको छ । उक्त हेल्थ डेस्कमा डाक्टर खटाइएको छ । तातोपानी नाका खुलेसँगैं मानिसहरुको आवतजावत हुने सम्भावनालाई मध्यनजर गरी हेल्थ डेस्क राखेको अध्यक्ष पौडेलले बताए । गापाका अन्य ठाउँमा भने अनमीको नेतृत्वमा स्वास्थ्यकर्मी रहेका छन् ।

गाउँपालिकाले काठमाडौंमा रहेका र गापामै रहेका अति विपन्न परिवारलाई राहत वितरण गरेको छ । विभिन्न सहृदयी मानिसहरुको सहयोगमा गाउँपालिकाले राहत वितरण गरेको हो ।

कोरोना संक्रमण विरुद्ध गाउँपालिकालाई संघीय सरकारले निर्देशन मात्रै प्राप्त भएको अध्यक्ष पौडेलले बताए । प्रदेश र संघीय सरकारसँग सहकार्य गरिरहेको तर सहयोग भनेर केही पनि नआएको उनले जानकारी दिए ।

गापाले विभिनन शिर्षकहरुबाट रकम निकालेर कोरोना रोकथामका कामहरु गरिरहेको छ । गापामा २० बेडको क्वारेन्टाइन तयारी अवस्थामा छ । अहिले गापामा शंकास्पद कोही बिरामी नदेखिएकाले त्यसको प्रयोग नभएको पौडेल बताउँछन् ।

 


क्याटेगोरी : समाज, सिन्धु खबर टिभी
ट्याग : #breaking

तपाईको प्रतिक्रिया दिनुहोस

धेरै रुचाईएको
error: Content is protected !!