बराम्ची, ८ वैशाख ।
विश्वव्यापी रुपमा फैलिरहेको कोरोना भाइरस (कोभिड १९) रोकथामका लागि जिल्लाका स्थानीय तहहरुले आइसोलेसन तथा क्वारेन्टाइन बनाएपनि जुगल गाउँपालिकाले निर्माण गरेन । उनले आइसोलेसन या क्वारेन्टाइन त्यत्तिकै नबनाएका हैनन् । त्यसका लागि जुगल गाउँपालिकामा मापदण्ड अनुसारको निर्माण गर्न नसकिने अवस्था भएकैले नबनाएका हुन् ।
तर, गाउँपालिकामा सुरक्षित आवास भने निर्माण भएको छ । गाउँपालिका अध्यक्ष होमनारायण श्रेष्ठ भन्छन्, ‘यतिवटा आइसोलेसन अनि यस्तो क्वारेन्टाइन बनायौं भनेर प्रचार गर्नु उचित ठानिएन ।’ अन्य स्थानीय तहमा क्वारेन्टाइन भनेर बनाइएका कक्षहरु जस्तै सुरक्षित आवास जुगलमा रहेको उनको भनाई छ । जुगल गाउँपालिका स्वास्थ्यको क्षेत्रमा हेल्थ असिस्टेन्टको कमान्डिङमा छ । आइसोलेसन निर्माण गर्न स्वास्थ्यकर्मीमात्रै नभई स्वास्थ्य सामग्री पर्याप्त छैन । तर, क्वारेन्टाइनमा हुने सुविधाको सुरक्षित आवास भने छ । ‘क्वारेन्टाइन नबनाई के हेरेर बसेको भनेर आलोचना भयो बरु,’ उनले भने ।
कोरोना भाइरस नेपालमा भित्रिनु अगावै गाउँपालिकामा विद्यँलयमार्फत सचेतना अभियान चालिएको थियो । पाहुना नजाने र नोलाउने अभियान जुगलबाटै सुरु गरिएको हो । घरमै बस्ने, दुरी कायम राख्ने, हात धुने जस्ता सजगतामा बढी केन्द्रीत भएको अध्यक्ष होमनारायण बताउँछन् । ‘कोरोना शान्तिले जित्ने लडाईं हो ।’ उनले भने ।
क्याटेगोरी : सिन्धु खबर टिभी
ट्याग : #breaking
तपाईको प्रतिक्रिया दिनुहोस