बुधबार, असोज ६, २०७८
गृहपृष्ठसमाजयस्तो छ १२ जनाको ज्यान जाने गरि भएको भोटसिपा दुर्घटना र उद्धारको पहल (भिडियो)

यस्तो छ १२ जनाको ज्यान जाने गरि भएको भोटसिपा दुर्घटना र उद्धारको पहल (भिडियो)


भोटसिपा, १४ असोज ।
सिन्धुपाल्चोकको इन्द्रावती गाउँपालिका १० स्थित भीमटारमा आज (शुक्रबार) विहान १२ जनाको ज्यान जाने गरी भयानक बस दुर्घटना भयो । दुर्घटनामा ५० बढी घाइते छन् ।
इन्द्रावती गाउँपालिका ९ सिपाटारबाट काठमाण्डौंका लागि छुटेको हेलम्बु यातायातको बा २ ख २७१५ नम्बरको बस सडकबाट २ सय मिटर तल खस्दा चालकसहित १२ को मृत्यु भएको हो ।
पाँच जनाको उपचारको क्रममा धुलिखेल अस्पतालमा मृत्यु भएको हो । पाँच जनाको घटनास्थलमा , एकको उपचारका लागि लैजाँदै गर्दा बाटैमा मृत्यु भएको हो भने एक गर्भवतीको कोखमा रहेको बच्चाको मृत्यु भएसँगै मृत्यु संख्या १२ पुगेको हो ।
घटनास्थलमै मृत्यु हुनेमा काभ्रे बनेपाका चालक केदार महाजु, काभ्रे पाँचखालकी संगीता पुर्काेटी, इन्द्रावती ९ का हिरा श्रेष्ठ, सोही स्थानका बिनोद लम्साल, इन्द्रावती १० का रितेश आचार्य रहेका छन् । इन्द्रावती १० माइती भई हाल ललितपुरकी संगीता श्रेष्ठको उपचारका लागि लैजाँदै र्गा बाटोमा मृत्यु भएको जिल्ला प्रहरी कार्यालय सिन्धुपाल्चोकका डिएसपी माधवप्रसाद काफ्लेले जानकारी दिए । उनकाअनुसार उपचारको क्रममा धुलिखेल अस्पतालमा इन्द्रावती ९ की ४६ वर्षिया जुनादेवी लम्साल इन्द्रावती १० का २० वर्षिय गणेश तामाङ, इन्द्रावती १० का मिना मगर, सुवास अधिकारी र सुमित पुर्कोटीको मृत्यु भएको हो ।
घाइतेको हेलिकोप्टरबाट उद्धार गरिएको थियो । प्रदेश नं. ३ का सामाजिक विकास मन्त्री युवराज दुलाल र इन्द्रावती गाउँपालिकाका अध्यक्ष बंशलाल तामाङले हेलिकोप्टरबाट घाइतेको उद्धार गरि उपचारका लागि धुलिखेल र राजधानी लगेका हुन् । दुलालले सेनाको हेलिकोप्टरबाट घाइतेलाई उपचारका लागि अस्पताल लगेका थिए भने वंशलालले व्यक्तिगत रुपमा हेलिकोप्टर चार्टर गरेका हुन् ।


क्याटेगोरी : समाज, सिन्धु खबर टिभी
ट्याग : #breaking

तपाईको प्रतिक्रिया दिनुहोस

धेरै रुचाईएको
error: Content is protected !!