गृहपृष्ठ ∕ पर्यटन ∕ हेलम्बुमा साहसिक क्यानोकिङ खेल हेलम्बुमा साहसिक क्यानोकिङ खेल Sindhu Khabar माघ २, २०७६ गते २१:२५ मा प्रकाशित लक्ष्मण विष्ट हेलम्बु, २ माघ सिन्धुपाल्चोक जिल्लाको हेलम्बु गाउँपालिका १ तिम्बुमा गत मंगलबार साहसिक खेल क्यानोकिङ सम्पन्न भएको छ । हेलम्बु क्षेत्रको पर्यटन प्रवद्र्धन गर्ने उद्देस्यका साथ आयोजित उक्त खेलमा ३ जनाले ११६ फिट अल्को झरनावाट झरेर खेल देखाएका थिए । हेलम्बु गा.पा २ का सोनाम लामाको नेतृत्वमा रहेको टोलीका ३ जनाले साहसिक खेलको प्रदर्शन र सहभागिहरुलाई अभिमुखिकरण गरेका थिए । सामुदायिक विकास तथा वातावरण संरक्षण मञ्चको आयोजना र हेलम्बु गाउँ पालिकाको समन्वयमा आयोजित उक्त कार्यक्रम हेलम्बु गाउँपालिकाका अध्यक्ष श्री निमाग्याल्जेन शेर्पा, वडा अध्यक्षहरु, हेलम्बु पर्यटन क्षेत्रका विभिन्न विद्यालयका विद्यार्थिहरु, शिक्षकहरु विभिन्न संघसंस्थाका प्रतिनिधिहरु र स्थानिय समुदाय समेत १५० जनाको उपस्थिति रहेको थियो । कार्यक्रममा प्रमुख अतिथि हेलम्बु गाउँपालिकाका अध्यक्ष श्री निमा ग्याल्जेन शेर्पाले सिन्धुपाल्चोक जिल्लामा क्यानोविङ खेलको धेरै सम्भावना हुँदा हुदै पनि छायाँमा परेको थियो । पहिलो पटक यो खेलको साहसिक खेलको आयोजनाले हेलम्बु क्षेत्रको पर्यटन प्रवद्र्धनमा योगदान गर्ने छ । अव साहसिक खेललाई व्यवस्थित गरेर अगाडी ल्याउन सकेमा यस क्षेत्रको आर्थिक विकासमा कोेशे ढुंगा सावित हुनेछ । तिम्बु बजारको पारीपट्टि रहेको यो झरनामा आवत जावत गर्नको लागि मेलम्ची खोला तर्नु पर्ने भएकोले तत्कालै यस ठाउँमा झोलुङ्गे पुल हाल्ले प्रतिवद्धता समेत अध्यक्षले जनाएका थिए । कार्यक्रममा सिडिइसिएफ का कार्यकारी निर्देशक गोविन्द प्रसाद सापकोटाले आगामी दिनमा यस झरनासम्म आवत जावत गर्न सहजताको लागि साहसिक खेल पे्रमीहरुसंग छलफल गरेर थप सुधारका कार्यहरु गर्ने प्रतिबद्धता जनाए । त्यसै गरी जलवायु शिक्षा कार्यक्रम सहयोगी संस्था एटमस फेयरका व्यवस्थापक विमल विश्वकर्माले जलवायु शिक्षा र पर्यटन प्रवद्र्धनका क्रियाकलाप संगसंगै अगाडी बढाउनु पर्ने र यस्ता क्रियाकलापहरुमा गाउँ पालिकासंग छलफल गरेर थप सहकार्य गर्ने वारे जानकारी गराए । हेलम्बु क्षेत्रमा जलवायु शिक्षा कार्यक्रमसंगै नेपाल सरकारले निर्धारण गरे अनुरुप भ्रमण वर्ष २०२० लाई सफल पार्नको लागि “सुन्दर हेलम्बु घुमौं रमाऔं” भन्ने नाराको साथ साहसिक खेलको आयोजना गरिएको कुरा जलवायु शिक्षा कार्यक्रमका संयोजक मधुसुदन सापकोटाले बताएका थिए । क्याटेगोरी : पर्यटन ट्याग : #breaking तपाईको प्रतिक्रिया दिनुहोस सम्बन्धित समाचार काष्ठकलामा लोभलाग्ने ह्योल्मो संस्कृति पाँचपोखरीमा पुजिँदै ‘जुग्रोरुङ’ शंख अाज गाैराति मेला-सामान्य पूजा मात्रै यसरी पुगिन्छ जुगलको बेस क्याम्प ‘नेपेमासाल’ धेरै पढिएका १सदाबहार श्रीकृष्ण ‘एकदिन त छुट्नुनै छ मृत्यु केवल बाहाना हो’ २२६ किमी सडक दुरीको भाडा झण्डै नौ लाख ३यसरी पत्ता लगाए सिन्धुपुत्र कसजूले विश्वमै नयाँ वनस्पति ४कुवेतबाट आएका १२ महिलासहित सिन्धुपाल्चोकमा एकैदिन २१ जनामा कोरोना संक्रमण ५भदौरे गणेश कपः तयारी पूरा, टाइसिट सार्वजनिक ६…अनि वडाध्यक्षले निर्माणाधिन नाली भत्काए ७उद्योग वाणिज्य महासंघको केन्द्रीय सदस्यमा सिन्धुपाल्चोकका श्रेष्ठको उमेदवारी ८बाह्रबिसे र बलेफिका दुई महिलामा कोरोना संक्रमण, सिन्धुपाल्चोकमा संक्रमितको संख्या २९ पुग्यो
