अभिषेकलाई मेयर कप ब्याडमिन्टन प्रतियोगिता मेन्स सिंगलकाे उपाधि

चाैतारा । अभिषेक गुरुङले तेस्रो चौतारा साँगाचोकगढी मेयरकप तथा प्रथम तोप–२१ ब्याडमिन्टन प्रतियोगिता’ को जिल्ला स्तरिय मेन्स सिंगलको उपाधि हात पारेका छन् ।
अाज भएकाे फाइनल खेलमा त्रिपुरा सुन्दरी गाउँपालिकाका अभिषेकले चौतारा साँगाचाेकगढी नगरपालिकाका सुरेन्द्र श्रेष्ठलाई हराउँदै गुरूङले उपाधि चुमेका हुन् । उनले चाैताराका श्रेष्ठलाई २–० को सोझो सेटमा पराजित गरे ।

पहिलो सेट २१–१९ ले जितेका अभिषेकले दोस्रो सेट २१–१५ ले जित्न सफल भए । जितसँगै अभिषेकले नगद ३० हजार तथा उपबिजेता सुरेन्द्रले नगद २० हजार रुपैयाँ प्राप्त गरेका छन् ।
जिल्ला स्तरीय मेन्स सिंगलतर्फ सेमिफाइलनमा पराजित रमेश श्रेष्ठ र अजय तामाङले जनही ५ हजार प्राप्त गरे ।
आजनै भएको मेन्स डबल तर्फको पहिलो सेमिफाइनलमा प्रकाश श्रेष्ठ र रमेश श्रेष्ठको जोडीले अजय तामाङ र राज कुमार तामाङको जोडीलाई २–१ सेटमा पराजित गर्दै फाईनल प्रवेश गरेका छन् ।
यस्तै, विहानै भएको दोस्रो मेन्स डबल सेमिफाइनलमा अभिषेक र युवराज अधिकारीको जोडीले सुरेन्द्र श्रेष्ठ र कैलाश घलेको जाडीलाई २–१ ले पराजित गर्दै उपाधि नजिक पुगेका हुन् ।
चौतारा साँगाचोकगढी नगरपालिकाको मुख्य प्रायोजनमा चलिरहेको प्रतियोगितामा जिल्ला स्तरका लागि पुरुष एकल र युगल तथा राष्ट्रिय स्तरका लागि पुरुष एकल गरि तीन विधामा प्रतिपर्धा सञ्चालन गरिएकाे आयोजकले जनाएको छ ।

क्याटेगोरी : खेलकुद
ट्याग : #breaking

---

---

---