त्रिपुरासुन्दरी खुल्ला भलिबल प्रतियोगिता हुँदै

धुस्कुन, ६ माघ ।
त्रिपुरासुन्दरी गाउँपालिका–३ धुस्कुनको सुनकोसीमा खुला भलिवल प्रतियोगिता हुने भएको छ । गाउँपालिकामा पहिलोपटक त्रिपुरासुन्दरी खुल्ला भलिबल प्रतियोगिता गरिन लागिएको हो ।
माघको १५ गतेबाट १८ गतेसम्म सञ्चालन हुने प्रतियोगिता भ्रमण वर्ष २०२० लाई लक्षित गरी आयोजना गर्न लागिएको वडाअभ्यक्ष सुकदेव रिसालले जानकारी दिए । उनले यूवा जागरणको आवश्यकतालाई आत्म–साथ गर्दै ग्रामीण भेगमा रहेका खेलाडहीरुलाई राष्ट्रिय खेलकुदको उच्च तह सम्म पुग्ने हौसला र प्रेरणा मिल्ने उदेस्यका साथ भलिबल प्रतियोगिता आयोजना गर्न लागिएको बताए ।

प्रतियोगितामा प्रथम हुने टिमले ट्रफि मेडल र प्रमाण पत्रको साथमा नगर ७० हजार पाउनेछन् । प्रतियोगितामा दोश्रो हुने टिमले ट्रफि मेडल र प्रमाण पत्र सहित नगद ४० हजार पाउनेछन् । साथै उत्कृष्ट ३ विधाका खेलाडीहरुलाई मायाँको चिना दिने आयोजकले जनाएको छ । माघ १३ गते सम्म टिम दार्ता आधिकारिक व्यक्ति वाट गराई सक्नु पर्ने छ । सिन्धुपाल्चोक जिल्ला स्तरीय विभागीय टिमले समेत टिम दर्ता गरि खेल खेल्न पाईने छ ।

अन्तर पालिका स्तरीय खुल्ला भलिवल प्रतियोगीता भएको हुदाँ १ टिममा ४ जना भन्दा वढी बाह्य खेलाडी समावेस गर्न नपाईने आयोजकले जनाएको छ । जसका लागि खेलाडीहरुको परिचय खुल्ने कागज पत्र टिम दर्ता गर्दा नै पेश गर्नु पर्ने गरी नियम बनाईएको छ । त्रिपुरा सुन्दरी खुल्ला भलिवल प्रतियोगीता २०७६ मा आफ्नो गाउँपालिका भित्रको टिमलाई सहभागी गराई खेल कुदको क्षेत्रमा हौसला प्रदान गर्न गाउपालिका अध्यक्ष भुपेन्द्र श्रेष्ठले आग्रह गरेका छन् ।

क्याटेगोरी : खेलकुद, समाचार

---

---

---