चौतारा, १९ मंसिर ।
चौतारा साँगाचोकगढी नगरपालिका ६ पीपलडाँडाकी कुसुम खड्का र लिसंखुपाखर गाउँपालिका जेठलकी काजल श्रेष्ठले १३ औं दक्षिण एसियाली खेलकुद प्रतियोगितामा स्वर्ण पदक जितेका छन् । पीपलडाँडाकी खड्काले कराँते र जेठलकी श्रेष्ठले तेक्वान्दोमा स्वर्ण जितेका हुन् ।
स्वर्ण जितेसँगै जिल्लाको शान बढाएकी कुसुमले ४५ केजी तौल समूह अन्तर्गत कराँतेको फाइनलमा बंगलादेशकी प्रतिद्वन्दिलाई पाखा लगाउँदै स्वर्णपदक जितेकी हुन भने काजलले ४६ केजी समूहको तेक्वान्दोको फाइनलमा भारतीय खेलाडिलाई हराउँदै स्वर्ण पदक जितेकी हुन् ।
पीपलडाँडाका राजकुमार खड्काको पुत्री कुशुम २०५४ सालमा जन्मेकी हुन । प्रारम्भिक शिक्षा पीपलडाँडाकै श्री सिद्धिकमला माविबाट सुरु गरेकी थिइन् । हाल उनी बौद्ध स्थित महेन्द्र माविमा अध्ययनसँगै कराँतेतर्फ प्रशिक्षण लिँदै गइन् । उनी त्रिभूवन आर्मी क्लबमा कार्यरत छिन् भने स्तनातकसम्मको अध्ययन पुरा गरिसकेकी छिन् ।खड्का १२ वर्षको उमेरदेखि नै कराते खेलमा लागेकी थिइन् ।
क्याटेगोरी : खेलकुद
ट्याग : #breaking
तपाईको प्रतिक्रिया दिनुहोस