Techie IT
Thursday, December 3,2020 / बिहीबार, मंसीर १८, २०७७
×
गृहपृष्ठखेलकुदकालिकादेवी संस्थापक स्मृति कप ः मेलम्चीलाई उपाधि

कालिकादेवी संस्थापक स्मृति कप ः मेलम्चीलाई उपाधि


चौतारा, १५ असोज ।
सिन्धुपाल्चोक जिल्लामा सर्वाधिक पुरास्कार राशी भएको पुरुष भलिबल प्रतियोगिताको उपाधि मेलम्ची नगरपालिकाmे उचालेको छ । आज (बुधबार) भएको फाइनल खेलमा चौतारा साँगाचोकगढी नगरपालिकालाई सोझो सेटमा हराउँदै मेलम्चीले उपाधि आफ्नो पोल्टामा पारेको हो ।
फाइनल खेलमा मेलम्चीले चौतारालाई २५–२०, २५–१७ र २५–१३ को सेटमा हराएको थियो । प्रतियोगितामा प्रथम भएको मेलम्चीलाई एक लाख एघार हजार एक सय ११ रुपैयाँ नगद जित्यो । त्यस्तै दोस्रो भएको चौतारा साँगाचोकगढी नगरपालिकाले ५५ हजार पाँच सय ५५ रुपैयाँमा चित्त बुझायो ।
कालिकादेवी मावि कुविण्डेको आयोजनामा भएको स्थानीय तह स्तरीय कालिकादेवी संस्थापक स्मृति कप २०७६ मा इन्द्रावती गाउँपालिकाले तेस्रो स्थान हात पारेको थियो । इन्द्रावतीले हेलम्बु गाउँपालिकालाई पराजित गर्दै तेस्रो भएको हो । इन्द्रावतीलाई २२ हजार दुई सय २२ रुपैयाँ प्रात ग¥यो । विजयीहरुलाई नगद पुरस्कारसहित ट्रफी, मेडल र प्रमणपत्र प्रदान गरियो । प्रतियोगिताको उत्कृष्ट खेलाडी मेलम्ची नगरपालिकाका रमेश भट्टराई घोषित भए ।
विद्यालय स्थापनामा योगदान पु¥याएका संस्थापकहरुको सम्मानमा स्थापित कालिकादेवी संस्थापक स्मृति कप तीन वर्षअघि देखि गरिँदै आएको थियो । अघिल्ला वर्षहरुमा विद्यालय स्तरीय प्रतियोगिता गरिँदै आएकोमा यो पटक स्थानीय तह स्तरीय प्रतियोगिता राखिएको खेल संयोजक राजेश सापकोटाले बताए ।
जिल्लामा १२ स्थानीय तह रहेपनि यो प्रतियोगितामा नौ स्थानीय तह मध्ये नौ वटाले सहभागिता जनाएको थियो । जिल्लामा रहेका भलिबल खेलाडीलाई प्रोत्साहन गर्दै खेलाडी उत्पादन गर्ने हेतुले प्रतियोगिता राखिएको विद्यालय व्यवस्थापन समितिका अध्यक्ष रघुसिं तामाङले जानकारी दिए । यो प्रतियोगिताले जिल्लामा लुकेर रहेका प्रतिभाशाली खेलाडीको पहिचान हुने र उनीहरुलाई राष्ट्रिय स्तरमा प्ुु¥याउन महत्वपूर्ण भूमिका निर्वाह गर्ने अध्यक्ष रघुसिंले बताए ।


क्याटेगोरी : खेलकुद
ट्याग : #breaking


तपाईको प्रतिक्रिया दिनुहोस