सिन्धुपाल्चोकमा हड्तालको असरः बिरामी बोकेको गाडीलाई प्रहरीको स्कर्टिङ
चौतारा । नेकपा दाहाल नेपाल समूहले आज गरेको हड्तालको प्रभाव सिन्धुपाल्चोकमा पनि परेको छ । चौतारालगायत जिल्लाका प्रमुख बजारहरुमा हड्तालको प्रभाव देखिएको छ । मेलम्ची, बाह्रबिसे, खाडिचौरलगायत स्थानमा सार्वजनिक सवारी साधन निकै कम चलेको छ भने पसल, विद्यालय, बैकलगायत सबै बन्द छन् ।
बन्द गराउनन नेकपा कार्यकर्ताहरु सदरमुकाम चौतारामा नारा जुलुस गर्दै हिडेका थिए । जिल्लामा हड्तालमा कुनै पनि अप्रिय घटना भने नभएको प्रहरीलृ जनाएको छ । काठमाडौंबाट आएका केही सवारी साधनलाई बन्देउबाट प्रहरीले स्कर्टिङ गरी गन्तव्य स्थानसम्म पुर्याएको थियो ।
जिल्ला प्रवेश गरेको बिरामी बोकेको गाडीलाई पनि प्रहरीले स्कर्टिङ गरेर गन्तव्य स्थलसम्म पुर्याएको प्रहरी निरिक्षक रामचन्द्र घिमिरेले जानकारी दिए । स्याउलेका ढाडको बिरामी भएर काठमाडौं उपचार गराएर फर्केका बिरामीलाई प्रहरीले स्कर्टिङ गरेर घरसम्म पुर्याएको थियो ।
क्याटेगोरी : समाज
ट्याग : #breaking
तपाईको प्रतिक्रिया दिनुहोस