काठमाडौं । महानगरीय ट्राफिक प्रहरी महाशाखाले भक्तपुरबाट चोरी भएको २२० सीसीको पल्सर मोटरसाइकलसहित २ जनालाई पक्राउ गरेको छ । ट्राफिक प्रहरी टोलीले गौशाला क्षेत्रबाट जिल्ला सिन्धुपाल्चोक लिसंखुपाखर गाउँपालिका–९का रुद्रबहादुर श्रेष्ठे र सिन्धुपाल्चोक तौथलीका भुवनराज श्रेष्ठलाई पक्राउ गरेको हो ।
वास्तविक नम्वर प्लेट परिवर्तन गरी बा ९९ प ४११४ नम्बरको रातो कालो रंगको पल्सर मोटरसाइकल चलाइरहेको अवस्थामा पक्राउ गरेको महाशाखाका प्रमुख प्रहरी वरिष्ठ उपरीक्षक जनक भट्टराईले दिए।
प्रहरीले चालू आर्थिक वर्षमै चोरीका मोटरसाइकलसहित ३२ जनालाई पक्राउ गरी मुद्दा चलाएको ट्राफिक प्रहरीले जानकारी दिएको छ । यस्तै चोरी भएका १४७ वटा मोटरसाईकल सम्बन्धित सवारी धनीलाई जिम्मा लगाएको महाशाखाले जनाएको छ ।
क्याटेगोरी : समाज
ट्याग : #banner
तपाईको प्रतिक्रिया दिनुहोस