मेलम्ची स्वास्थ्य केन्द्रबाट सबै सेवा सूचारू

मेलम्ची ।   मेलम्ची  प्राथमिक स्वास्थ केन्द्रमा कार्यरत कर्मचारीहरु कोरोना मुक्त भएसँगै केन्द्रले सबै सेवा संचालन ल्याएको छ।

स्वास्थ केन्द्रका कर्मचारी कोरोना भाइरस संक्रमित भएपछि आकस्मिक सेवा बाहेक बन्द रहेको सबै सेवाहरु हाल सुचारू गरिएको हो ।

कोरोना भाइरस पोजेटिभ देखिएका सबैको रिपोर्ट नेगेटिभ आइ सकेको बताउदै केन्द्रका प्रमुख डाक्टर बिनोद केसी केन्द्रबाट उपलब्ध सेवासुबिधा सुचारू गरिएको जानकारी दिनु भयो।आँखा केन्द्रका एक, स्वास्थ केन्द्रका दुई र एम्बुलेन्स चालकसमेत चार जना कोरोना संक्रमित भएका थिए।

कर्मचारीहरुमा कोरोना भाइरस संक्रमण देखिदा पनि आफुहरुले स्वास्थ मापदण्ड अपनाएर आकस्मिक सेवालाई निरन्तरता दिएको बताउँदै डाक्टर केसीले अब झन सबै कोरोनामुक्त भएका छौं,निर्धक्क भएर स्वास्थ सेवा लिन आउन आग्रह गर्नुभयो ।

केन्द्रका कर्मचारी कोरोना संक्रमित भएपछि पहिलाको भन्दा ह्वात्तै सेवा लिने बिरामीको चाप घटेकोमा चिन्ता व्यक्त गर्दै उहाँले स्वस्थ्य केन्द्रका कर्मचारीलाई कोरोना छ भने त्रासमा बिरामीहरु आउन डराउनु भएको भए अब त्यसको समस्या नरहेकोले सेवा लिन आउन आग्रह गर्नुभएको छ ।

डाक्टर केसीले दीर्घ रोगी,सुत्केरी सेवा लगायत सम्पुर्ण स्वास्थ सेवा संचालनमा रहेको बताउँदै सेवा लिन आउँदा सरकारले तोकेको मापदण्ड अपनाउन समेत अनुरोध गर्नु भएको छ। उहाँले सेवाग्राहीलाई माक्स लगाएर आउन आग्रह गर्दै स्वास्थ केन्द्र परिसरमा साबुनपानी र सेनिटाइजरको व्यवस्था रहेको जानकारी दिनुभयो ।

क्याटेगोरी : समाज
ट्याग : #banner

---

---

---