सिन्धुपाल्चोक । बाह्रबिसे नगरपालिका ७ नागपुजे र भीरर्खकका पहिरो पीडितहरुलाई राहत सहयोग गरिएको छ । अमेरिकाको क्यार्लिफोर्नियामा बस्दै आएका लामोसाँघुका राजेन्द्र कुमार श्रेष्ठले अमेरिकामा सहयोग जुटाएर राहत पठाएका हुन् । सो राहत लामोसाँघु समाज र निड द फिडको समन्वयमा पीडितलाई बितरण गरिएको छ ।
लामोसाँघु समाजका आबद्धहरु पहिरोपीडितसंग पुगेर ३९ घरधुरीलाई राहत बितरण गरेका छन् । पहिरोमा परिवारका सदस्य गुमाएका, घरबास गुमेका पहिरो पीडितलाई चिउरा, दालमोठ, चाउचाउ, चिनीचियापत्ती लगायतका खानेकुरा सहयोग गरिएको थियो । लामोसाँघु समाजका सनिल काफ्ले, ब्लुजम कार्की, राज श्रेष्ठ, प्रेम लामा, राजकुमार श्रेष्ठ, पुजन पाण्डे, सुरज शाक्य र निड द फिडमा आबद्धहरु पहिरोस्थल पुगेर राहत बितरण गरेका थिए । सो वडाका जनप्रतिनिधिको रोहवरमा राहत बितरण गरिएको थियो ।
क्याटेगोरी : समाज
ट्याग : #banner
तपाईको प्रतिक्रिया दिनुहोस