बलेफि । बलेफि गाउँपालिका वडा नम्बर १ को कार्यलयमा स्थानीयले तालाबन्दी गरेका छन् । स्थानीयले सडक निर्माण गर्दा पूरानो भल बग्ने बाटो बन्द भएको र जथाभावी भल बग्दा स्थानीयको घर र खेतमा क्षति पुगेको भन्दै आज वडामा तालाबन्दी गरेका हुन् ।
पटक पटक वडा, गाउँपालिका र जिल्ला प्रशासन कार्यलय चौतारामा जानकारी गराउँदा समेत समस्या निराकरणका लागि कुनै ठोस पहलकदमी नभएको भन्दै वडामा ताला लगाएको स्थानीयले बताएका छन् ।
अव्यवस्थित भल निकास हुन नसक्दा स्थानीयको ६० रोपनी जग्गामा लगाइएको खेतीबाली नष्ट भएको र ५० बढी घरले प्रयोग गर्ने खानेपानीमा समेत भल पसेर पानी खान अयोग्य बनाएको स्थानीयको आरोप छ ।
उनीहरुले वडा कार्यलयले क्षति पुगेको बालीको क्षतिपुर्ति नदिएसम्म वडा कार्यलयको ताला नखोल्ने बताएका छन् ।
क्याटेगोरी : समाज
ट्याग : #banner
तपाईको प्रतिक्रिया दिनुहोस