गृहपृष्ठ ∕ समाज ∕ पिठयूंमा छोरी बोकेकै अवस्थामा चार महिनाको गर्भवतीको शव फेला पिठयूंमा छोरी बोकेकै अवस्थामा चार महिनाको गर्भवतीको शव फेला Sindhu Khabar भदौ ६, २०७७ गते १३:३२ मा प्रकाशित लिदी । सिन्धुपाल्चोकको जुगल–२ स्थित लिदी पहिरोमा पुरिएकी एक महिलाको शव चार वर्षकी छोरी पिठ्युूंमा बोकिरहेको अवस्थामा फेला परेको छ । उनी चार महिनाकी गर्भवती पनि हुन् । घटना भएको ९ दिनपछि आज आमाछोरीको शव फेला परेको हो । सुरक्षाकर्मीले पहिरो पन्छाएर हराएकाहरुको खोजी गर्ने क्रममा उनीहरु फेला परेका हुन् । उनी स्थानीय च्याङ्वा दोङकी श्रीमती हुन् । च्याङ्वा च्याउ खोज्न र मृतककी सासू काममा गएकाले पहिरोबाट बच्न सफल भएका छन् । स्थानीय प्रत्यक्षदर्शीलाई उदृत गर्दै घटनास्थल पुगेका एक सञ्चारकर्मीका अनुसार शवको अवस्था हेर्दा ती महिलाले छोरी बोकेर भाग्दै गर्दा पहिरोले थिचेको अनुमान गर्न सकिन्छ । स्थानीय ३५ वर्षीया सानुकान्छी दोङ र उनकी चार वर्षीया छोरी करिश्माको शव फेला परेको हो । अहिले गर्भवती र चार वर्षीया बालिकाको दाहसंस्कारको तयारी गरिएको छ । पहिरोको भयले गाउंले धेरै राती घर बाहिर बस्ने गरेका थिए । बिहान घर आएका बेला एक्कासी पहिरो गएपछि उनीहरुको भागभाग भएको थियो । भाग्ने क्रममा बच्चा बचाउन खोज्दा बाबुआमा पनि किचिएको अनुमान गर्न सकिने खोजमा खटिएका एक सुरक्षाकर्मीले गरे । गत साउन ३० गते बिहान गएको पहिरोमा परेर ३९ जना हराएकोमा ३२ जानको शव प्राप्त भएको छ । अझैं ७ जना हराईरहेका छन् । पहिरोले १३ घर पुर्ण रुपमा पुरिएको थियो । ३७ घरलाई आंशिक क्षति पुगेको छ क्याटेगोरी : समाज ट्याग : #breaking तपाईको प्रतिक्रिया दिनुहोस सम्बन्धित समाचार मेलम्ची बाढी : पीडामा गुज्रदै हेलम्बु मेलम्ची बाढीमा तीन विदेशीको मृत्यु, १३ अझै बेपत्ता मेलम्ची बाढीका पीडित भोकै खुल्ला आकाशमा रात बिताउँदै मेलम्ची बाढीमा परेर एक जनाको मृत्यु, सात जना वेपत्ता धेरै पढिएका १खुकुरी हान्ने बाह्रबिसेका ४ जना पक्राउ २सिन्धुपाल्चोकका यी ठाउँमा भोलिदेखि निषेधाज्ञा जारी ३क्रसरका संञ्चालकले मार्ने योजना बनाएको भन्दै वडाध्यक्षले सुरक्षाकर्मी गुहारे ४मोटरसाइकलसहित लिसंखु र तौथलीका दुई चोर पक्राउ ५स्वास्थ्य केन्द्रका राई तीन महिनादेखि बेपत्ता ६सामुहिक बलात्कारमा संलग्न जुगलका कैलाश पक्राउ ७सुकुटेमा बसले मोटरसाइकललाई हान्यो, एकको मृत्यु ८काँग्रेस क्षेत्रीय सचिव वासुमाथि सांघातिक आक्रमण
