गृहपृष्ठ ∕ समाज ∕ संक्रमितलाई व्यवस्थापन गर्न चौताराका युवाको खबरदारी संक्रमितलाई व्यवस्थापन गर्न चौताराका युवाको खबरदारी Sindhu Khabar भदौ २, २०७७ गते १४:३० मा प्रकाशित चौतारा । कोरोना संक्रमण भएर पनि होम क्वारेन्टाइनमा बस्न बाध्य संक्रमितलाई आइसोलेसनमा राखेर उपचार गराउन चौताराका युवाहरुले खबरदारी गरेका छन् । आज जिल्ला प्रशासन कार्यालय, चौतारा साँगाचोकगढी नगरपालिका र जिल्ला स्वास्थ्य कार्यालयमा पुगेर खबरदारी गरेका हुन् । चौताराका सचेत युवाहरुले कोरोना पोजेटिभ देखिए पनि सम्बन्धित निकायले उनीहरुको उचित व्यवस्थापन गर्न नसकेको भन्दै ज्ञापन पत्र वुझाएका हुन् । । आइसोलेसनमा राखेर उपचार गर्नुपर्नेमा उनीहरु आफ्नै कार्यालयमा होम क्वारेन्टाइनमा बस्नुपर्ने बाध्यतामा रहनु दुखद् भएको बताएका छन् । विश्वमा कोरोना महामारी फैलिरहँदा विभिन्न निकायले आफ्नो क्षेत्रमा क्वारेन्टाइन, आइसोलेसन निर्माण गरेका खबरहरु बाहिर आए पनि अहिले जिल्लाको सदरमुकाममा रहेका २ जना संक्रमित पनि आफ्नै कार्यलयमा बस्नुपर्दा संक्रमितहरुमा उपचार पाउनुभन्दा अझ बढी मानसिक तनावमा रहेको पाइएको विज्ञप्तीमा जनाईएको छ । अहिले २ जनालाई पनि आइसोलेसनमा राखेर व्यवस्थापन गर्न नसक्दा भोलिका दिनहरुमा थप संक्रमित भएको अवस्थामा स्थानीय सरोकारवाला निकायले के गर्न सक्ला भन्ने प्रश्न आम समुदायमा रहेको स्थानिय मनोज सापकोटाले जानकारी दिए । संक्रमितहरुलाई किन आइसोलेसनमा राख्न सकिएन भन्ने अहिलेको विषय रहेको उनको भनाई छ । स्थानीय तहहरुले कोरोना संक्रमण फैलन नदिनका साथै व्यवस्थापनका लागि लाखौं खर्च गरेको समाचारहरु सार्वजनिक भएको अवस्थामा स्थानीय तहले यो विषयमा गरेको खर्च सार्वजनिकसमेत गर्न उनिहरुले माग गरेका छन् । भोलिका दिनमा संक्रमण फैलिएमा उपचार गरेर राख्ने थप आइसोलेसन बेड निर्माणका लागि पहलसमेत हुनु अत्यावश्यक रहेको उनिहरुले बताएकाछन् । ज्ञापन पत्र वुझ्रदै प्रमुख जिल्ला अधिकारी उमेश कुमार ढकालले यो विषयमा आफु गम्भिर रहेको बताए । क्याटेगोरी : समाज ट्याग : #breaking तपाईको प्रतिक्रिया दिनुहोस सम्बन्धित समाचार पत्रकार महासंघद्वारा कोभिड राहत कोष स्थापना भोटेकोशीमा अक्सिजनसहितको तीनवटा आइसोलेसन जब देवता चढेका भन्दै आगोमाथि नाच्दै दौडिए (फोटोफिचर) के हो निषेधाज्ञा ? धेरै पढिएका १खुकुरी हान्ने बाह्रबिसेका ४ जना पक्राउ २सिन्धुपाल्चोकका यी ठाउँमा भोलिदेखि निषेधाज्ञा जारी ३क्रसरका संञ्चालकले मार्ने योजना बनाएको भन्दै वडाध्यक्षले सुरक्षाकर्मी गुहारे ४मोटरसाइकलसहित लिसंखु र तौथलीका दुई चोर पक्राउ ५स्वास्थ्य केन्द्रका राई तीन महिनादेखि बेपत्ता ६सामुहिक बलात्कारमा संलग्न जुगलका कैलाश पक्राउ ७सुकुटेमा बसले मोटरसाइकललाई हान्यो, एकको मृत्यु ८काँग्रेस क्षेत्रीय सचिव वासुमाथि सांघातिक आक्रमण
