Techie IT
Tuesday, December 1,2020 / मंगलबार, मंसीर १६, २०७७
×
गृहपृष्ठसमाजचितवन तालिममा सहभागी चारसहित सिन्धुमा थप पाँचमा कोरोना संक्रमण

चितवन तालिममा सहभागी चारसहित सिन्धुमा थप पाँचमा कोरोना संक्रमण


चौतारा । सिन्धुपाल्चोक जिल्लामा थप पाँच जनाका कोरोना संक्रमण देखिएको छ । जिल्लाको एक गैरसरकारी संस्थाका चार जना कर्मचारी र एक शिक्षकमा कोरोना संक्रमण देखिएको जिल्ला स्वास्थ्य कार्यलयका वरिष्ठ जनस्वास्थ्य अधिकृत दुर्गादत्त चापागाईले जानकारी दिए ।

गैरसरकारी संस्थाका चार जना कर्मचारी केही समयअघि चितवन तालिममा सहभागी भएको र फर्किएर टेकु प्रयोगशालामा कोरोना परीक्षणका लागि स्वाब दिएर आएका थिए । आज आएको रिपोर्टमा उनीहरुमा कोरोना संक्रमण देखिएको हो ।

उनीहरु एक इन्द्रावतीका, एक मेलम्चीका रहेको खुल्न आएको छ । बाँकी दुई पनि जिल्लाकै रहेको बुझिएको छ । उनीहरु स्वाब परीक्षणका लागि दिएर आफ्नै घर घरमा गएको हुँदा संक्रमणको जोमिख समुदाय स्तरसम्म फैलने त्रास बढेको छ ।

अर्का एक शिक्षक भने सर्लाहीबाट आएका र उनी मेलम्चीको क्वारेन्टाइन्मा नै रहेकाले उनीबाट संक्रमण हुने जोखिम कम छ ।


क्याटेगोरी : समाज, स्वास्थ्य/शिक्षा
ट्याग : #breaking


तपाईको प्रतिक्रिया दिनुहोस