जिल्ला विपद व्यवस्थापन समिति सिन्धुपाल्चोकको सूचना, ‘बाढीपहिरोको सम्भावना छ सुरक्षित रहनु’

चौतारा । मनसुन थप सक्रिय भएसँगै साउन ४ गतेदेखि ८ गतेसम्म देशका धेरैजसो ठाउँमा हल्कादेखि सामान्य र केही ठाउँमा भारी वर्षा हुने जल तथा मौसम विज्ञान विभागको पूर्वानुमान छ । जसका कारण बाढी, पहिरो तथा भूक्षयको जोखिम बढेको छ । यी पाँच दिनसम्म पर्ने पानीका कारण देशभरका ठूला नदीहरुमा जलसतह बढ्ने, साना नदीहरुमा समेत आकस्मिक बहाब बढ्ने तथा मनसुन सुरु भए यता हालसम्म परेको पानीले पहाडी क्षेत्रको भू-भाग गलिसकेको हुँदा पहिरो तथा भू-क्षयको उच्च जोखिम रहेको छ ।

अत: नदी किनारा एवम् पहिरोको जोखिम रहेको क्षेत्र आसपास बसोबास गर्ने सम्पूर्ण सिन्धुपाल्चोकबासीलाई सचेत भइ सतर्कता अपनाउनु हुन र जोखिम आँकलन गरी अस्थायी रुपमा सुरक्षित स्थान वा आफन्तकोमा गई बस्न तथा बहुमुल्य वस्तुहरु सुरक्षित राख्न समेत अनुरोध गर्दछौं ।

विपद्को समयमा गर्भवती र सुत्केरी महिला, बालबालिका, बिरामी, अशक्त रअपांगता भएका व्यक्तिहरु अझ जोखिममा पर्ने भएकाले उनीहरुको सुरक्षालाई विशेष ध्यान दिनसमेत सबैमा अपिल गर्दछौं । साथै, जिल्लाका सबै स्थानीय तहहरु, सरोकारवालाहरु तथा सुरक्षा निकायहरुलाई विपद् जोखिम न्युनीकरण कार्यमा उच्च सतर्कता अपनाउन अनुरोध गर्दै सर्वसाधरणहरुलाई कतै समस्या पर्ने देखिएमा र परेमा नजिकैको सुरक्षा निकायमा खबर गरिदिनुहुन समेत अनुरोध छ ।

क्याटेगोरी : समाज
ट्याग : #banner

---

---

---