Techie IT
Saturday, December 5,2020 / शनिबार, मंसीर २०, २०७७
×
गृहपृष्ठसमाजविस्थापितलाई खान बस्नै समस्या

विस्थापितलाई खान बस्नै समस्या


बाह्रबिसे । भोटकोशी गाउँपालिका ३ लार्चा, फमाचे र थेलामपाखामा शुक्रबार गएको पहिरोमा १७ घर कामै नगाल्नेगरी भत्किएको छ । विस्थापित ६५ घरका मान्छे सुख्खाबन्दरगाहमा बसिरहेका छन् । त्यहां बस्ने २ सय ७ जना छन् । गाउंको सामान झिक्न पाएका छैनन् । धेरैजना किनेर खान सक्ने अवस्थामा छैनन् । महिला, केटाकेटी र बुढाबुढी छन् ।

गाइवस्तुको अवस्था के छ उनीहरु चिन्तामा छन् । वडाअध्यक्ष कैलाश पौडेलका अनुसार अहिले वडाले सामान्य दाल भातको व्यवस्था गरेको छ । तर बाटो बन्द भएका कारण खाद्यान्न ल्याउन समस्या भएकाले भएका खाद्यान्न सकिन लागेको छ । ‘बाटो छैन भएको सकियो के गरेर खुवाउने चिन्तामा छौं ।’ विस्थापितहरुमध्ये केही गर्भवतीहरुपनि भएको उनले बताए ।

‘उनीहरुलाई कतिबेला अस्पताल लानुपर्ने हुन्छ थाहा छैन् उनले भने, बाटो मात्रै खोल्न सके बाह्रबिसे अस्पताल पुर्याउन सकिन्थ्यो ।’ लार्चा बजारका ७ घरजति बस्नै नसक्ने अवस्थामा छ भने फुमाचे र थथेलामा पाखाका १० घर क्षति भएको छ ।


क्याटेगोरी : समाज
ट्याग : #banner


तपाईको प्रतिक्रिया दिनुहोस