बाह्रविसे । मध्यरातमा अरनिको राजमार्गको जम्बुमा आएको बाढीले घाइते बनाएकाहरुको उद्धारका लागि सभामुख अग्नी सापकोटा र वाग्मती प्रदेशका सामाजिक विकास मन्त्री युवराज दुलाल घटनास्थल पुगेका छन् ।
यसअघि एकको हेलिकोप्टरबाट उद्धार गरिएको छ । नेकपा केन्द्रीय सदस्य माधव सापकोटा र नेपाली कांग्रेसका नेता विष्णु खत्रीको टोलीले घाइतेलाई उपचारका लागि काठमाण्डौं लगेका हुन् । मन्त्री दुलालले बाढीले सडक कटान गरेका कारण हवाई मार्गबाट घाइतेको उद्धार गर्नुपर्ने अवस्था भएकाले हेलिकोप्टर लिएर आएको बताए ।
घटनास्थल जाने बाटो पहिराले अवरुद्ध छ । नेपाली सेना र प्रहरी उद्धारमा खटिएको छ । बाह्रबिसे बजारबाट करिव ३ किमि तातोपानीतर्फको जम्बुबस्तीको करिव आधा भाग बगाएको छ । दुई जनाको शव फेला परेको छ भने कम्तिमा १८ जना वेपत्ता छन् । घटनास्थलमा २० वर्षीय निकेश बस्नेत र उनको तीन वर्षीया छोरीको शव फेला परेको छ । निकेशकी श्रीमती भने भाग्दाभाग्दै बांचेकी थिइन् । मध्यभोटेकोसी विद्युत आयोजानको पावरहाउस निर्माणको क्रममा सामान स्टोरका लागि वनाएइका संरचनालाई पहिराले पुरेको छ । स्थानीयका अनुसार बाढी आएको थाहा पाएपछि बजारबासीको रातारता भागाभाग भएको थियो । राती १२ बजे आएको बाढीले कम्तिमा १५ घर बगाएको छ । ठाठो खोलाले लेदो माटो र ढुंगा बगाएर ल्याएपछि बस्ती बगाएको थियो । राती करिव १२ बजे बाढी कारण आएकाले सवै सुतेको अवस्थाका भाग्न कठिन भएको स्थानीयको भनाई छ ।
क्याटेगोरी : समाज
ट्याग : #breaking
तपाईको प्रतिक्रिया दिनुहोस