गृहपृष्ठ ∕ समाज ∕ मुहानकै गाउँपालिकालाई सुरुङमा पानी हालेकाे थाहा नदिएपछि आपत्ति मुहानकै गाउँपालिकालाई सुरुङमा पानी हालेकाे थाहा नदिएपछि आपत्ति Sindhu Khabar असार २२, २०७७ गते १८:०४ मा प्रकाशित हेलम्बु । राष्ट्रिय गौरवका आयोजनामा स्थानीयवासी र सरकारसँग समन्वय गर्नुपर्ने संविधानमा उल्लेख हुँदा पनि जानकारी बिना मेलम्चीको सुरुङमा पानी हालेकोमा हेलम्बु गाउँपालिकाले आपत्ति जनाएको छ । सुरुङमा पानी हालेर नेपालको संविधानको धारा २३२ ले सुनिश्चित गरेको तिनै तहको सरकार बीचको सम्बन्ध सहकारिता, सहअस्तित्व र समन्वयको सिद्धान्तमा आधारित हुने भन्ने कुराको विपरीत भएकोले स्थानीय सरकार र स्थानीयवासीलाई वेवास्ता गरेको प्रमाणित भएकाले हेलम्बु गाउँपालिकाले ध्यानाकर्षण गरेको हो । गाउँपालिकाले आज प्रेस विज्ञप्ति सार्वजनिक गर्दै मेलम्चीको पानी काठमाण्डौं पठाउने महत्वपूर्ण काममा स्थानीयवासी र सरकार बेखबर भएकोमा ध्यानाकर्षण गराएको हो । गाउँपालिका अध्यक्ष निमाग्याल्जेन शेर्पाद्धारा हस्ताक्षरित विज्ञप्तिमा हेलम्बु गाउँपालिका क्षेत्र भित्र पर्ने प्राकृतिक श्रोत खानेपानीको मुहान रहेको निर्माणधिन मेलम्ची खानेपानी आयोजनाको सुरुङबाट काठमाडौंमा पानी पठाउनको लागि उद्घाटन गरिएको बारे स्थानीय सरकार र स्थानीयवासीले विभिन्न सञ्चार माध्यमबाट मात्र थाहा पाएको उल्लेख छ । मेलम्ची खानेपानी आयोजनाले एउटा जिम्मेवार स्थानीय सरकारसँगको समन्वय, सहकार्य र नगरेको बताए । काठमाडौँ उपत्यका बासीकोे घर घरमा यथासिघ्र हेलम्बुको स्वच्छ र सफा जल पुर्याउन आफ्नो क्षेत्रबाट तत्पर रहेकोमा बिना समन्वय उद्घाटन हुँदा आफूहरु अपहेलित भएको उनको भनाई छ । ‘स्थानीय सरकारको अहम भूमिका, समन्वय र सहयोग अतिआवश्यक रहने यस राष्ट्रिय गौरव आयोजनामा स्थानीय सरकार र स्थानीयवासीलाई निरन्तर संग्लन नगराउने सम्पूर्ण कार्यहरु प्रति घोर आपत्ति जनाउदै यस्ता अनुचित र गैरजिम्मेवार कार्य विरुद्ध आगामी दिनहरुमा सहयोगको लागी असहज वतावरण सिर्जना गर्न स्थानीय सरकार र स्थानीयवासी बाध्य हुनेछ र यसको सम्पूर्ण जिम्मेवारी उक्त आयोजना र सो संग सम्बन्धित निकायले व्यहोर्नु पर्नेछ ।’ बिज्ञप्तिमा उल्लेख छ । मेलम्चीले सुरुङमा पानी हालेको खबर मुहानकै गाउँपालिकालाई थाहा नहुनु अचम्म भएको अध्यक्ष शेर्पा बताउँछन् । क्याटेगोरी : समाज ट्याग : #breaking तपाईको प्रतिक्रिया दिनुहोस सम्बन्धित समाचार बलेफिको सबै सेवा ५ दिनका लागि बन्द दसैं नजिकिएसँगै आफन्त बियोग र बासको चिन्तामा पहिरो पीडित चौतारा भलायोखर्कका डम्बर कुमारीलाई मार्ने तीन जना पक्राउ सिन्धुपाल्चोकका निशानका हत्यारालाई गरिएकाे ईन्काउन्टर `फेक´ धेरै पढिएका १सदाबहार श्रीकृष्ण ‘एकदिन त छुट्नुनै छ मृत्यु केवल बाहाना हो’ २२६ किमी सडक दुरीको भाडा झण्डै नौ लाख ३कुवेतबाट आएका १२ महिलासहित सिन्धुपाल्चोकमा एकैदिन २१ जनामा कोरोना संक्रमण ४भदौरे गणेश कपः तयारी पूरा, टाइसिट सार्वजनिक ५बाह्रबिसे र बलेफिका दुई महिलामा कोरोना संक्रमण, सिन्धुपाल्चोकमा संक्रमितको संख्या २९ पुग्यो ६यसरी पत्ता लगाए सिन्धुपुत्र कसजूले विश्वमै नयाँ वनस्पति ७हेलम्बुको लोकप्रिय कार्यक्रमः किसानको तीन महिनाको ब्याज मिनाहा, सुत्केरीको स्वास्थ्य जाँच गर्न घरमै जाने ८शिक्षामा समसामयिक चिन्तन
