Techie IT
Thursday, June 24,2021 / बुधबार, असार ९, २०७८
×
गृहपृष्ठसमाजटोप्काको स्वास्थ्य केन्द्रलाई पीपीई सेट र स्वास्थ्य सामग्री सहयोग

टोप्काको स्वास्थ्य केन्द्रलाई पीपीई सेट र स्वास्थ्य सामग्री सहयोग


लामोसाँघु,  १६ वैशाख ।

बलेफी गाउँपालिका वडा नम्वर ८ नेपाली काँग्रेसका इकाई सभापति रमेश कुमार श्रेष्ठले व्यक्तिगत रुपमा कोरोना भाइरस (कोभिड १९) प्रतिरोधी पिपिई सेट र स्वास्थ सामाग्री हस्तान्तरण गरेका छन् ।

बलेफी गाउँपालिका ८ टोप्कामा रहेको आभारभूत स्वास्थ्य सेवा केन्द्रलाई दुई सेट पिपिई सेट, दुई पिस स्यानिटाइजर, हजार वटा सर्जिकल माक्स, ग्लब्स, लगायतको स्वास्थ सामाग्री सभापति श्रेष्ठले हस्तान्तरण गरेका हुन् ।

स्वास्थ केन्द्रका अहेव मीम बहादुर रावतले स्वास्थ सामाग्री लिदैं उक्त सामाग्री गाउँवासीको स्वास्थ्यमा उपयोग गरिने बताए । `पिपिई सेटको अभावमा बिरामीको उपचार गर्न डर लाग्ने गरेको थियो, अब त ढुक्कले उपचार गरिन्छ` उनले खुशी हुँदै भने ।

टोप्कामा स्वास्थ सामाग्री वितरण गर्न सभापति श्रेष्ठका साथै लामोसाँघु साकोसका अध्यक्ष एवम काँग्रेस नेता रामकुमार श्रेष्ठ, काँग्रेस जिल्ला सदस्य रबिन बिक, स्थानीय समाजसेवी नारायण कार्की र युथ स्पोर्टस क्लबका उपाध्यक्ष उमेश प्रधान घर घर पुगेका थिए । त्यस्तै श्रेष्ठले लामोसाँघु प्रहरी कार्यालयलाई पनि स्यानिटाइजर र सर्जिकल मास्क प्रदान गरेका छन् ।

सभापति श्रेष्ठले वडा नम्बर ८ मा स्वास्थ्य सामग्रीको अभावमा रोग संक्रमण हुन नदिने र खाद्यसामग्रीको अभावमा कोही भोको पर्न नपर्ने बताएका छन् । `म रहुन्जेल मैले सकेको सहयोग गर्छु केही परे व्यक्तिगत रुपमा मलाई सम्पर्क गर्न सक्नुहुनेछ` उनले भने । उनी स्थानीय चुनावमा वडा नं ८ मा नेपाली काँग्रेसको तर्फबाट अध्यक्षका उमेदवार थिए ।

 

 


क्याटेगोरी : समाज
ट्याग : #banner


तपाईको प्रतिक्रिया दिनुहोस


error: Content is protected !!