Techie IT
Tuesday, January 26,2021 / मंगलबार, माघ १३, २०७७
×
गृहपृष्ठसमाजव्यक्तिगत सहयोगमा १० बेडको क्वारेन्टाइन

व्यक्तिगत सहयोगमा १० बेडको क्वारेन्टाइन


चित्र मिजार
तौंथली, २७ चैत ।
कोरोना भाइरस (कोभिड १९) को संक्रमण हुन नदिन अहिले जिल्लामा पनि सरकारी र ब्यक्तिगततर्फ बाट बिभिन्न खाले सहयोग भइरहेको छ । कोरोना भाइरसको त्रास हटाउन र रोकथामको लागि बिभिन्न प्रयास भइरहेका छन् ।
यस्तै आपातमा त्रिपुरासुन्दरी गाउँपालिका ५ तौथलीका मनकारी युवाले कोरोना संक्रमण हुन नदिन् आफ्नो परिवारको छाक काटेर क्वारेन्टाइन वार्ड निमार्ण गरेका छन् । सो ठेगानाका सामाजिक ब्यक्तित्व यादव श्रेष्ठले तौथलीमा १० बेडको सुबिधायुक्त क्वारेन्टाइन वार्ड बनाएका छन् ।
२०७२ बैशाख १२ गतेको भूकम्पपछि नेपाली सेनाले तौथलीमा निमार्ण गरिदिएको ट्रस्टमा यादवले स्वास्थ सामाग्री सहित स्वास्थकर्मीको रेखदेख रहने गरि क्वारेन्टाइन वार्ड निमार्ण गरेका छन् । गाउँका कसैलाई कोरोना भाइरसको संक्रमण नहोस् भन्ने हेतुले क्वारेन्टाइन वार्ड निमार्ण गरेको यादवले बताएका छन् । तौथली जस्तो बिकट क्षेत्रमा कसैले पनि वास्ता नगरेपछि आफूले घरखर्च कटाएर क्वारेन्टाइन वार्ड बनाएको श्रेष्ठले जानकारी दिएका छन् ।
प्रत्येक वार्डमा भिआइपी खाट, सिरकडस्ना, स्वास्थ सामाग्रीको ब्यबस्था गरिएको छ । साबुन पानी, डस्बिन,राखिएको छ भने उचित बिजुली र खानेपानीको प्रबन्ध मिलाइएको छ । सो क्वारेन्टाइनको पूर्व सूचना तथा संचारमन्त्री मोहन बहादुर बस्नेतले केही दिन अघि अवलोकन समेत गरेका थिए । त्रिपुरासुन्दरी गाउँपालिका स्वास्थ शाखा प्रमुख चनद्रनारायण शाहले गाउँलेको स्वास्थमा ध्यान दिनु भएकोमा यादवको प्रशंसा गरेका छन् । तौथलीका वडा अध्यक्ष बिष्णुभक्त श्रेष्ठले यादव श्रेष्ठले गरेको जस्तै कार्य अन्य युवाहरुले पनि गरेमा समाज स्वाच्छ र समृद्ध हुने बताए ।


क्याटेगोरी : समाज
ट्याग : #banner


तपाईको प्रतिक्रिया दिनुहोस