शैक्षिक अगुवा विष्णुबहादुरको निधन

चौतारा, २७ पुस ।
जिल्लाका विभिन्न सामुदायिक विद्यालय स्थापनार्थ महत्वपूर्ण भूमिका निर्वाह गरेका समाजसेवी एवं शैक्षिक अभियन्ता विष्णुबहादुर खड्काको निधन भएको छ । लामो समयदेखि श्वाप्रश्वास, प्रेसर, मुटुलगायत रोगबाट ग्रसित उनको आज (आइतबार) उपचारका क्रममा राजधानीको हेल्पिङ ह्याण्ड्स अस्पतालमा विहान ६ बजेको समयमा निधन भएको हो ।

==================

उनी पत्रकार स्व. ज्ञानेन्द्र खड्काका पिता हुन् । उनका छोरा ज्ञानेन्द्रलाई तत्कालीन सशस्त्र द्धन्द्धमा बिद्रोही पक्षले हत्या गरेका थिए । ज्ञानेन्द्रलाई भदौ २०६० मा उनै गाउँ ज्यामिरेको एक रुखमा बाँधेर हत्या गरिएको थियो ।

======================

स्व. विष्णुबहादुर साविक क्षेत्र नं. ३ स्थित मेलम्चीमा रहेको इन्द्रेश्वरी मावि, ज्यामिरेमा रहेको जनता मावि, सातकन्या मावि रातमाटा, शिखरपुरमा रहेको शितलादेवी माविका संस्थापक शिक्षक हुन् । जनता माविबाट उनी प्रधानाध्यापक हुँदै रिटायर्ड भएका थिए । यी विद्यँलयसँगै २०१४, १५ सालमा यो क्षेत्रमा अन्य विद्यालय स्थापनार्थ उनले योगदान दिएका थिए । शिक्षक अवकासपछि विभिन्न सामाजिक काममा लागेका खड्काको ७७ वर्षको उमेरमा निधन भएको परिवारले जनाएको छ ।
अहिले उनका श्रीमतीसहित ३ छोरी र २ छोरा छन् । उनको पार्थिव शरिरलाई पशुपतिनाथमा अहिले अन्तेष्टिको तयारी गरिएको छ । उनी पत्रकार स्व. ज्ञानेन्द्र खड्काका पिता हुन् । उनका छोरा ज्ञानेन्द्रलाई तत्कालीन सशस्त्र द्धन्द्धमा बिद्रोही पक्षले हत्या गरेका थिए । ज्ञानेन्द्रलाई भदौ २०६० मा उनै गाउँ ज्यामिरेको एक रुखमा बाँधेर हत्या गरिएको थियो ।

क्याटेगोरी : समाज
ट्याग : #breaking

---

---

---