Techie IT
Saturday, January 16,2021 / शनिबार, माघ ३, २०७७
×
गृहपृष्ठसमाजसुकुटे दुर्घटनाका मृतक परिवारलाई आर्थिक सहयोग गरिने

सुकुटे दुर्घटनाका मृतक परिवारलाई आर्थिक सहयोग गरिने


लामोसाँघु, २१ कात्तिक ।
सुकुटेमा भएको बस दुर्घटनामा मृत्यु भएका परिवारलाई त्रिपुरासुन्दरी गाउँपालिकाले आर्थिक सहायता प्रदान गर्ने भएको छ ।१७ गते भएको उक्त दुर्घटनामा त्रिपुरा सुन्दरी गाउपालिका भित्रका मृतक परिवारलाई किरिया खर्चका लागि त्रिपुरासुन्दरी गाउँपालिकाले जनही २० हजार उपलब्ध गराउने भएको हो ।
गाउँपालिका अध्यक्ष भूपेन्द्र श्रेष्ठले मृतकका परिवारमा समवेदना प्रकट गर्दै गाउँपालिकाको तर्फबाट किरिया खर्चका लागि रकम सहयोग गरिएको जानकारी दिए । ४ नम्बर वडाका अध्यक्ष भोटोला थामिले पछि आवश्यक सहयोग गरिने जनाउँदै यो सहयोग तत्कालका लागि भएको उल्लेख गरे । सुकुटेमा बस दुर्घटनामा त्रिपुरासुन्दरी गाउँपालिकाको २ जना सहित १९ ले ज्यान गुमाएका थिए । एक बालिका बेपता छिन् । त्रिपुरासुन्दरी गाउँपालिका ४ कि ६ वषीया साया रानी श्रेष्ठ र चमेली श्रेष्ठको उक्त दुर्घटनामा परी ज्यान गएको थियो । साथै त्रिपुरासुन्दरी गाउँ कार्यपालिका बैठकले मृतक प्रति श्रदान्जली ब्यक्त गर्दै घाईतेहरुको शीघ्र स्वास्थ्य लाभको कामना समेत गरेको छ ।


क्याटेगोरी : समाज
ट्याग : #banner


तपाईको प्रतिक्रिया दिनुहोस