बाह्रविसे, १ कात्तिक ।
बाह्रबिसे नगरपालिका वडा ५ र ६ मा जर्मनको र नमस्ते नेपालको सहयोगमा आठ वटा भव्य भवन ठडिए । प्रदेश नं। ३ का पर्यटन तथा वन मन्त्री अरुण नेपालसहित दातृ निकाय जर्मन र होल्याण्ड पाहुनाले एकैसाथ विद्यालय जनप्रतिनिधि, स्थानीयलाई जिम्मा लगाए ।
‘चार वर्षपछि बालबालिकाले बल्ल पक्की भवन पाएका छन्, त्यसैको खुशीले उनीहरु खुब रमाएका छन्,’ बाह्रबिसे नगर सिर्गाचेस्थित सिर्गाचे आधारभुत विद्यालयकी प्रधानध्यापक विष्णुदेवी पराजुलीले भनिन् । दातृ निकाय जर्मनी र होल्याण्डका विदेशी पाहुना स्टेफन, डाग्मार, फ्रिच्स्, मनिका, मन्त्रीलाई बालबालिकाले फूलमालाले भव्य स्वागत गरेको उनले सुनाइन् ।
गातीस्थित काली देवी माध्यमिक विद्यालयबाहेक सेती देवी, गोरखनाथ, बाल हित, सिंगार्चे, श्री खडादेवीजस्ता आठ विद्यालयले सुविधाजनक भवनसगै शौचालय पाएका छन् । ७ करोड पचास लाखमा ५३ कक्षा कोठाको विद्यालय र २० कोठाको शौचालय निर्माण सकिएको नमस्ते नेपालका जिल्ला संयोजक निमाछिरिङ लामाले बताए ।
उनकानुसार विगत १५ बर्ष देखि गुणस्तर शिक्षा तथा शैक्षिक विकासको लागि नमस्ते नेपालले निजि शिक्षकको तलबदेखि आवश्यक सबै सहयोग र कक्षा व्यवस्थापन गर्दै आइरहेको छ ।
त्यसैगरी गोरखा, रसुवा, डोल्पादेखि सिन्धुपाल्चोकसम्म गरी विभिन्न जिल्लामा १३ वटा विद्यालय बनाएको छाया नेपालले ८४ लाखमा सुनकोसी–४ मा गणेश माविको आर्कषक ठड्यायो । जापान राजदुतावास, चाइल्ड फर जापानको आर्थिक र टुकी संघको समन्वयमा झण्डै दुई करोड बराबरको भव्य विद्यालय पाएपछि सुनकोसी वडा ३ का बालबालिका मख्ख परे । टाटा ट्रस्ट र सिप्रदियन सहायता संस्थाले ७ वटा विद्यालयमा चार वटा बनाइसकेको छ ।
क्याटेगोरी : समाज
ट्याग : #banner
तपाईको प्रतिक्रिया दिनुहोस