Techie IT
Tuesday, March 9,2021 / सोमबार, फागुन २४, २०७७
×
गृहपृष्ठसमाजजुवा तास खेले या खेलाइएमा १५ हजार जरिवाना !

जुवा तास खेले या खेलाइएमा १५ हजार जरिवाना !


थाङपालधाप, १२ असोज ।
नजिकिदै गरेको दशैं, तिहार र छठ पर्वमा सामाजिक विकृतिको रुपमा रहेको जुवातास खेलेमा या खेलाएमा १५ हजार रुपैयाँसम्म जरिवाना हुने भएको छ । कुनै पनि समय र स्थानमा जुवा तास खेलाइए पाँचपोखरी थाङपाल गाउँपालिकाले जरिवाना गर्ने भएको हो ।
स्थानीय मेलमिलाप केन्द्र, प्रहरीका प्रतिनिधि, जनप्रतिनिधि र न्यायिक समितिले कारवाही गर्ने गाउँपालिकाले सूचना जारी गरेको छ । सूचनाअनुसार मादक पदार्थ बेलुकी ५ देखि ७ बजे मात्र खान पाइनेछ । सो समयबाहेक विक्रिी वितरण गरेमा ५ हजार रुपैयाँ सम्म जरिवाना लाग्नेछ । सार्वजनिक स्थानमा बसेर मादक पदार्थ सेवन गर्नसमेत मनाही गरिएको गाउँपालिकाले जनाएको छ ।
चाडपर्वमा सामाजिक विकृति नहोस भन्ने हेतुले यस्तो सूचना जारी गरिएको हो ।मादक पदार्थ सेवन गरेर होहल्ला तथा झैझगडा गरेमा ३ हजार रुपैयाँ जरिवानाका साथै नैतिकता विरुद्धको अपराधसमेत व्यहोर्नुपर्ने गाउँपालिकाद्धारा जारी गरिएको सूचनामा उल्लेख छ ।


क्याटेगोरी : समाज
ट्याग : #breaking


तपाईको प्रतिक्रिया दिनुहोस