Techie IT
Sunday, February 28,2021 / आईतबार, फागुन १६, २०७७
×
गृहपृष्ठराजनीतिमेयर शेर्पाले भने, `बाह्रबिसेमा काँग्रेस आफै सकिन्छ`

मेयर शेर्पाले भने, `बाह्रबिसेमा काँग्रेस आफै सकिन्छ`


बाह्रबिसे । बाह्रबिसे नगरपालिकाका मेयर निमफुञ्जो शेर्पाले बाह्रबिसेमा काँग्रेस आफै सकिने बताए । आज बाह्रबिसेमा आयोजित पार्टी प्रवेश कार्यक्रममा बोल्दै मेयर शेर्पाले काँग्रेसका पछिल्ला गतिविधिले नै बाह्रबिसेमा काँग्रेसको अस्तित्व सकिन लागेको दावी गरे । उनले काँग्रेस व्यक्तिगत रुपमा चल्ने र व्यक्तिलाई जे मन लाग्यो त्यही गर्ने अनुशासनहीन पार्टी भएको आरोप लगाए ।

उनले नेकपाले जितेपछि बाहरबिसेमा विकासका धेरै काम गरेको बताए । गाउँ गाउँमा विकासको लहर लिएर नेकपा पुगेको बताउँदै उनले काँग्रेस विकास विरोधी भएको आरोप दोहोर्याए । पूर्वमन्त्री मोहन बहादुर बस्नेतको नामै किटेर उनले मोहन बहादुर बस्नेतले बाह्रबिसेमा विकासको कुनै पनि काम नगरेको बताए । बस्नेतले सरकारी बजेटले सवै आफ्नो घर जाने बाटो र कम्पाउण्ड बनाएको आरोप लगाए ।

कांग्रेसप्रति निकै आक्रोसित हुंदै शेर्पाले उनले गाउंमा आफ्नै घरमा गरेको विकास हेर्न आग्रह गरे । पछिल्लो समय बाह्रबिसे नगरपालिका र काँग्रेसबाट मेयरका प्रत्यासी बालकृष्ण बस्नेतबीच द्धन्द्ध बढेको छ । काँग्रेसीहरुले मेयर शेर्पाले जबरजस्त बस्नेतलाई फसाएर मुद्दा चलाएको आरोप पनि छ । बाह्रबिसेमा कोरोना कहरकाबीच आज नेकपाले पार्टी प्रवेश कार्यक्रम राखेको थियो । जसमा सामाजिक दूरीको वेवास्ता गर्दै मानिसहरु बसेका थिए ।


क्याटेगोरी : राजनीति
ट्याग : #breaking


तपाईको प्रतिक्रिया दिनुहोस