Techie IT
Tuesday, May 11,2021 / मंगलबार, वैशाख २८, २०७८
×
गृहपृष्ठराजनीतिपीडितलाई राहत, उपचार र पुनस्थापनाको व्यवस्था गर्न कांग्रेस सभापति देउवाको माग

पीडितलाई राहत, उपचार र पुनस्थापनाको व्यवस्था गर्न कांग्रेस सभापति देउवाको माग


काठमाडौं । नेपाली कांग्रेसका सभापति तथा पूर्वप्रधानन्त्री शेरबहादुर देउवाले सिन्धुपाल्चोकको घुमथाङमा पहिरोबाट भएको धनजनको क्षतिप्रति दुख व्यक्त गरेका छन् । उनले प्रधानमन्त्री केपी ओलीसँग पीडितको उद्धार, राहत र पुनस्थापनको व्यवस्था मिलाउन माग गरेका छन् ।

बाह्रबिसे नगरपालिका–७ को नाककुचे, भिरखर्क र नुवार टोलमा गएरातीको पहिराले ठूलो धनजनको क्षति भएको प्रसंग जोड्दै उनले भूगर्भविद्हरुले औंल्याएको जोखिम बस्तीबाट नागरिकलाई अन्यत्र स्थानान्तर गर्नुपर्ने बताएका छन् ।

आज प्रेस विज्ञप्ति प्रकाशित गरी प्रमुख प्रतिपक्ष नेतासमेत रहेका देउवाले घाइतेको उपचार, र विस्थापितका लागि खाद्यन्न, लत्ताकपडा र अस्थायी बसोबासको व्यवस्था मिलाउन पनि सरकारसँग माग गरेका छन् । उनले दुखद घडीमा कांग्रेस कार्यकर्ताहरुलाई स्थानीय क्रियाशील रहेर पीडितको सहयोगमा जुट्न आव्हान गरेका छन् ।

यसैबीच कांग्रेस केन्द्रीय सदस्य तथा पूर्वमन्त्री मोहनबहादुर बस्नेतले पहिरोस्थलको निरीक्षण गरेर पीडितको राहत र उद्धारमा सघाउने बताए । उनले प्राकृतिक विपदमा परेकालाई कांग्रेसले निरन्तर सहयोग गर्ने बताए । टेलिभिजन कार्यक्रम इन्द्रेणीका संयोजक कृष्ण कँडेलले पीडितलाई २५ हजारका दरले नगद सहयोग उपलब्ध गराएका थिए ।

उक्त सहयोग पूर्वमन्त्री बस्नेत र कँडेलले हस्तान्तरण गरेका थिए । कँडेल उक्त सहयोगसहित घटनास्थल गएका थिए । उनले यस अघि पनि कार्यक्रमकोतर्फबाट विभिन्न व्यक्तिहरुबाट प्राप्त सहयोग सिन्धुपाल्चोकको मेलम्ची बजारमा पहिरोमा परेकालाई उपलब्ध गराएका थिए ।


क्याटेगोरी : राजनीति
ट्याग : #breaking


तपाईको प्रतिक्रिया दिनुहोस