Techie IT
Friday, March 5,2021 / शुक्रबार, फागुन २१, २०७७
×
गृहपृष्ठराजनीतिसिन्धुपाल्चोकमा बाढी पहिरोबाट भएको क्षतिको नेविसंघद्धारा दुख व्यक्त

सिन्धुपाल्चोकमा बाढी पहिरोबाट भएको क्षतिको नेविसंघद्धारा दुख व्यक्त


चौतारा । नेपाल विद्यार्थी संघका महामन्त्री बल्देव तिमल्सिनाले भोटेकोशी बाढीमा परेर मृत्यु भएका र बेपता भएकाहरुको खबरले आफू दुखी भएको बताएका छन् । महामन्त्री तिमल्सिनाले एक विज्ञप्ति जारी गर्दै घटनामा पीडित परिवारको राहत र उद्धारमा उचित ध्यान दिन सम्बन्धित निकायलाई माग गरेका छन् ।

यसैबीच सिन्धुपाल्चोक नेविसंघले पनि भोटेकोशी बाढीले मच्चाएको वितण्डाबारे गहिरो दुख व्यक्त गरेको छ । आज नेविसंघका कार्यवाह सभापति नविन श्रेष्ठले एक विज्ञप्ति जारी गर्दै भिषण पहिरो र बाढीबाट जिल्लाको लिस्ती, जम्बु बजार, चाकु बजार, खाग्दल, खुर्सानीबारी र जुगल २ लिदीमा ठूलो संख्यामा जनधन क्षति भएको प्रति संघले दुख व्यक्त गरेको छ ।

बाढी पहिरोमा परि मृत्यु भएकाप्रति श्रदाञ्जली अर्पण गर्दै बेपत्ताको खोजी गर्न र विस्थापितको राहत र उद्धारमा तदारुकता देखाउन संघले सम्बन्धित निकायसँग जोडदार माग गरेको छ । नेविसंघले सिन्धुपाल्चोकका सुनकोशी, भोटेकोशी, ब्राम्हयणीलगायत नदीहरुमा पानीको वहाव उच्च रहेकाले सुरक्षित स्थानमा रहनपनि सबैलाई आग्रह गरेको छ ।


क्याटेगोरी : राजनीति
ट्याग : #banner


तपाईको प्रतिक्रिया दिनुहोस