Techie IT
Thursday, August 5,2021 / बुधबार, साउन २०, २०७८
×
गृहपृष्ठराजनीति४ सय ६० गाउँपालिकामध्ये ४ सय ३ को बजेट आयो, महासंघद्धारा धन्यवाद ज्ञापन

४ सय ६० गाउँपालिकामध्ये ४ सय ३ को बजेट आयो, महासंघद्धारा धन्यवाद ज्ञापन


चौतारा । स्थानीय तहहरुले संघीय सरकारले तोकिएको समयमै बजेट ल्याउन सकेकोमा गाउँपालिका राष्ट्रिय महासंघले सबै स्थानीय सरकारलाई धन्यवाद व्यक्त गरेको छ । देशभर भएका ४ सय ६० गाउँपालिकामध्ये ४ सय ३ ले बुधबार नीति तथा कार्यक्रम र बजेट सार्वजनिक गरेका छन् ।

कोभिड-१९ को अग्रपंक्तिमा रहेर कार्य गरिरहेको व्यवस्ताको बीचपनि संविधान र कानुनले तोकिएको समयमा जिम्मेवारीलाई प्राथमिकता दिई तोकिएको समयमा नीति तथा कार्यक्रम ल्याउनु हुने सबै गाउँपालिकालाई धन्यवाद ज्ञापन गर्दछौं महासंघका अध्यक्ष होम नारायण श्रेष्ठद्धारा आज जारी विज्ञप्तिमा भनिएको छ ।

विविध कारणवश नीति तथा कार्यक्रम समयमा ल्याउन नसकेका गाउँपालिकाहरुले पनि यथाशक्य छिटो नीति तथा कार्यक्रम ल्याउने महासंघले विश्वाश व्यक्त गरेको छ । केही स्थानीय तहमा जनप्रतिनिधिको निधन, प्रशासकीय अधिकृत नहुनु, गाउँपालिका प्रमुख तथा उपप्रमुखमा कोरोना संक्रमण देखिनु जस्ता समस्याले केही गाउँपालिकाले तोकिएको समयमा नीति तथा कार्यक्रम ल्याउन सकेका छैनन् ।

महासंघले ल्ल्याएको नीति तथा कार्यक्रमबारे गाउँसभामा व्यापक छलफल गरेर तोकिएको मिति भित्र पारित गर्न सबै स्थानीय सरकार सक्षम हने विश्वास लिएको छ । स्थानीय सरकारले बजेट पनि समयमै ल्याउन सक्दैनन् भन्दै हामीसामू लागेका आलोचना यसवर्षबाट अन्त्य गर्नेछौं विज्ञप्तिमा भनिएको छ ।


क्याटेगोरी : राजनीति
ट्याग : #breaking


तपाईको प्रतिक्रिया दिनुहोस


error: Content is protected !!