चौतारा, २१ माघ ।
जुगल गाउँपालिका वडा ५ का अध्यक्ष सनत अधिकारीसहित दुई शिक्षकलाई वडा सदस्यसहितका एक टोलीले कुटपिट गरेका छन् । अधिकारी र शिक्षकमाथि जुगल गाउँपालिकाकै ७ जना मिलेर कुटपिट गरेका हुन् ।
अधिकारी विद्यालय व्यवस्थापन समितिको अध्यक्ष रहेको जुगल गाउँपालिका ५ स्थित रात्नराज्य माविको बार्षिकोत्सव सकेर खाजा खाइरहेका उनीसहित शिक्षकलाई वडासदस्यको टोलीले आक्रमण गरेको हो । वडाअध्यक्ष सनतसहित प्रधानध्यापक छन्दप्रसाद काफ्ले र शिक्षक पुष्पराज तिमल्सिनालाई उनीहरुे सोमबार साँझ आक्रमण गरेका हुन् ।
प्रहरीका अनुसार रड, बेञ्ज, कुर्सीले हहानेर उनीहरुलाई घाइते बनाइएको छ । प्रहरीले आक्रमण गर्नृेमध्ये ६ जनालाई पक्राउ गरिसकेको जनाएको छ ।
इलाका प्रहरी जलविरे ,बराम्चीकै प्रहरी र स्थानीय सहयोगमा पुगेर घाइते वडाध्यक्ष , शिक्षकलाई उद्धार गरेर राजधानीको अस्पताल लगिएको थियो । राजधानीको मध्यपुर अस्पतालमा उपचाररत गंम्भिर घाइते वडाध्यक्ष र दुई शिक्षकको शरिर एकदमै सुन्निएको छ । अध्यक्षको टाउकोमा रगत जमेको र दुई शिक्षकको शरिरको शरिभरभरी निलडाम भएको त्यह“ाका स्वाथ्यकर्मीले बताएका छन् । ‘रड र बेन्चको प्रहारपछि शिक्षक तिमल्सिनाको आ“खा र अध्यक्षको टाउकोमा गंम्भिर चोट लागेको देखिएको छ ,’ जिल्ला प्रहरी कार्यालयका डीएसपी माधव प्रसाद काफ्लेले भने ।
वडासदस्य यन्दबहादुर मगरले वडाध्यक्षलाई पहिलेदेखि ज्यान मार्ने धम्की दिदै आएको र नियतवश बिजुलीको फ्युज झारेर सामुहिक रुपमा हत्या गर्न खोजेको घाइते वडाध्यक्ष सनतकुमार अधिकारीले आरोप लगाए । ‘ती वडासदस्यकै नेतृत्वमा सबैले मलाई मार्न खोजे, अब उनीहरुको गुण्डागर्दीले गाउभर त्रास छाएको छ, हामी जनप्रतिनिधि असुरक्षित भयौ जनताको संरक्षण कसरी हुनु र ?,’ उनले प्रश्न गरे ।
क्याटेगोरी : राजनीति
ट्याग : #banner
तपाईको प्रतिक्रिया दिनुहोस