यसै साता सिन्धुपाल्चोकमा प्रचण्ड-माधव समूहमा ठूलो धक्का लाग्छः महेश बस्नेत
मेलम्ची । नेपाल कम्युनिष्ट पार्टी (नेकपा) का केन्द्रिय सदस्य एवम पूर्व मन्त्री महेश बस्नेतले यसै साता सिन्धुपाल्चोकमा प्रचण्ड माधव समुहमा ठूलो धक्का लाग्ने दावी गर्नुभयो । के कसरी धक्का लाग्छ भन्ने नबताएपनि बस्नेतले प्रचण्ड माधव समूहमा ठूलो ठूलो भुइँचालो जाने दावी गरेका हुन् ।
कोही नेता आउला नआउला, तर सिन्धुपाल्चोकमा केपी ओलीको लहर आएको उनले बताए । शुक्रबार मेलम्चीमा प्रधानमन्त्री केपी ओली नेतृत्वको नेकपाको यूवा संगठन र महिला संघको जिल्ला भेलालाई सम्बोधन गर्दै बस्नेतले प्रचण्डलाई भैंसी र माधव नेपाललाई सिक्का चिन्ह लिएर चुनाव लड्न समेत सुझाएका छन् ।
सुर्य चिन्हमै चुनाव लड्न रहर भए पार्टीमा फर्कन आग्रह गर्द नत्र भैंसी र सिक्का चुनाव चिन्ह लिएर चुनाव लड्न बस्नेतले सुझाएका हुन् ।
केही नेताहरु बाटो बिराएर क्याल्कुलेटर थिच्दै बसिरहेको भन्दै बस्नेतले उनीहरुलाई मूलधारमा समाहित हुन आग्रह गरे ।
क्याटेगोरी : राजनीति
ट्याग : #breaking
तपाईको प्रतिक्रिया दिनुहोस