चुनाव तयारीमा हाेमियाे निर्वाचन कार्यालय

चाैतारा । सरकारले आगामी बैशाखमा प्रतिनिधि सभाको निर्वाचनको मिति तोके सँगै जिल्ला निर्वाचन कार्यालय सिन्धुपाल्चोक चुनाव तयारीमा हाेमिएकाे छ। पछिल्लाे समय सोमबार जिल्ला निर्वाचन कार्यालयले एक अन्तरक्रिया कार्यक्रम मार्फत मतदाता अद्यावधिक गर्न र मिति तोकिदिएसँगै कार्यालयले चुनाव तयारी गतिविधिलाई तीब्रता दिएकाे हाे ।

प्रतिनिधि सभा सदस्यको २०७८ बैशाख १७ र२७ मा हुने निर्वाचनमा भाग लिन यही माघ १५ गते देखि २१ गते सम्ममा आफ्नै स्थानीय तहमा मतदाता नामावली अद्यावधिक गर्न कार्यालयले आह्वान गरेको छ । ‘निर्वाचन कार्यक्रम पुस १६ गते बाट नै सुरु भएको छ र फागुन २१ सम्म रहने छ, तर त्रुटि सच्याउने, विरोधमा उजुरी दिने, दोहोरो नाम हटाउने, मृत्यु भएका र नागरिता त्यागेकाको नाम हटाउन माघ १६ देखि १८ गते सम्म समय रहेको छ ।’ जिल्ला निर्वाचन कार्यालयका प्रमुख नारायण प्रसाद गौतमले भने।
सरकारले निर्वाचनको मिति तोके सँगै फोटो सहितको मतदाता नामावली संकलन कार्य स्थगित भएको छ । सहायक मतदाता नाम दर्ता अधिकारीको कार्यालयले सार्वजनिक विदाको दिन समेत काम गर्ने गरि निर्वाचन तयारी कार्य भई रहेको कार्यालयले जनाएको छ । कार्यालयले बिभिन्न चरणमा छलफल गरि स्थानीय तहमा सोही ठाउँमा कार्यरत एक कर्मचारीलाई सहायक नाम दर्ता अधिकारी तोकी आईतबार आबश्यक तालिम र मतदाता नामावली सहित निर्वाचन तयारी कार्यमा खट्न निर्देशन प्रदान गरिएको प्रमुख गौतमले बताए।
जिल्ला निर्वाचन कार्यालयले फागुन २ गते जिल्लामा अद्यावधिक भएका सबै बिवरण निर्वाचन आयोगमा पठाउने गरी काम सुरु भएको प्रमुख गौतमले जानकारी दिए। सरकारले घोषणा गरेको निर्वाचनको मिति ननिकिदै गर्दा नागरिक समाज, राजनीतिक दल र सञ्चार माध्यमलाई लोकतन्त्रको सवल पक्ष निर्वाचनलाई स्वच्छ र तटस्थ वनाइृ मतदातामा सञ्चारका लागि प्रमुख जिल्ला अधिकारी उमेश कुमार ढकालले आग्रह गरे। निर्वाचन कार्यालयको पुस छ गते सम्मको अद्यावधिक नगरिएको बिवरण अनुसार जिल्लाभर १८ वर्ष पुगि मतदानमा सहभागी हुने मतदाताको सङ्ख्या दुई लाख ३९ हजार ९६४ रहेका छन् ।

क्याटेगोरी : राजनीति, समाचार
ट्याग : #breaking

---

---

---