Techie IT
Monday, January 18,2021 / आईतबार, माघ ४, २०७७
×
गृहपृष्ठराजनीतिपौडेलमाथि भएको प्रहरी दमनको विरोधमा बाह्रबिसेमा राँके जुलुस

पौडेलमाथि भएको प्रहरी दमनको विरोधमा बाह्रबिसेमा राँके जुलुस


बाह्वविसे।    नेपाली काँग्रेसका वरिष्ठ नेता रामचन्द पौडेललाई प्रहरीले गरेको दमन विरुद्ध सिन्धुपाल्चोकको बाह्रबिसेमा प्रदर्शन भएको छ । पौडेललाई प्रहरीले गरेको दमन विरुद्ध नेपाली काँग्रेस र यसका भातृसंस्थाले बिहीबार साँझ बाह्बिसेमा राँके जुलुस गरेका हुन् । नेपाल विद्यार्थी संघ सिन्धुपाल्चोक र काँग्रेस क्षेत्र नम्बर १ ले बाह्रबिसेमा राँके जुलुस निकालेको नेविसंघका उपाध्यक्ष नवीन श्रेष्ठले जानकारी दिए । राँके जुलुसमा प्रहरी हस्तक्षेप समेत भएको उनले बताए । ‘हामी राँको लिएर प्रदर्शन गर्दै थियौं उपाध्यक्ष श्रेष्ठले भने, प्रहरीहरु आएर राँको खोसेर फ्याकिदिए ।’ राँको फ्याकेपनि अन्य अप्रिय घटना नभएको उनले बताए ।

राँके जुलुसपश्चात बाह्रबिसे बजारमा कोण सभा भएको थियो । कोण सभालाई क्षेत्रीय उपसभापति राम कुमार लामा, स्थानीय काँग्रेस युवा नेता युधिर पौडेल, विद्यार्थी नेता हेमन्त श्रेष्ठ, तरुण नेता निरन्जन लामालगायतले सम्बोधन गरेका छन् । कोण सभालाई सम्बोधन गर्दै युवा नेता पौडेलले प्रधानमन्त्री केपी शर्मा ओलीले रामचन्द्र पौडेलसँग माफी माग्नुपर्ने बताए । उनले भने ‘बुधबार तनहुँमा भएको घटना सत्ता र शक्तिको दम्भमा भएको हो, सत्ताको नेतृत्व केपी शर्मा ओलीले गरेका कारण उनले माफी माग्नुपर्छ ।’

बुधबार गृह जिल्लामा पुल उद्घाटन गर्न पुगेका पौडेललाई नेकपा कार्यकर्ताले अवरोध गरेका थिए । भडपको स्थिति आउने भन्दै प्रहरीले पौडेललाई अमर्यादित ढंगले नियन्त्रणमा लिएको थियो । त्यसको विरोधमा आज देशभर विभिन्न प्रदर्शन भैरहेका छन् ।


क्याटेगोरी : राजनीति, समाचार
ट्याग : #banner


तपाईको प्रतिक्रिया दिनुहोस