सिन्धुपाल्चोकका राजेन्द्रकुमार श्रेष्ठको उद्योग बाणिज्य महासंघको केन्द्रीय सदस्यमा उम्मेदवारी दर्ता
काठमाडौं ।
नेपाल उद्योग बाणिज्य महासंघको ५४औं अधिबेशनमा सिन्धुपाल्चोक उद्योग बाणिज्य संघका पूर्व अध्यक्ष राजेन्द्रकुमार श्रेष्ठले केन्द्रीय सदस्यमा उम्मेदवारी दर्ता गराएका छन् । मंसिर ११,१२ र १३ मा हुन गईरहेको अधिबेशनमा सिन्धुपाल्चोक उद्योग बाणिज्य संघको सिफारिसमा श्रेष्ठले उम्मेदवारी दर्ता गराएका हुन् । हाल केन्द्रीय सदस्य रहेका श्रेष्ठले बागमती प्रदेशको तर्फबाट केन्द्रीय सदस्यको उम्मेदवारी दर्ता गराएका हुन् । उद्योग ब्यवसायको स्तर बृद्धिका साथै यसको गरीमा उँचो बनाउन आफ्नो उम्मेद्वारी रहेको श्रेष्ठले प्रतिकृया दिए । बिशेषगरी जिल्ला नगरको समस्या तथा अवस्था सुधारमा केन्द्रीत रहने श्रेष्ठको भनाई छ । जिल्लाम बसेर काम गर्ने उद्योगी ब्यवसायीको हीतका लागि आफ्नो प्रमुख लक्ष्य रहेको र सो काम अझै बाँकी रहेका कारण यस पटक केन्द्रीय सदस्यमा उम्मेदवारी दर्ता गराएको श्रेष्ठको प्रतिकृया छ । सिन्धुपाल्चोक उद्योग बाणिज्य संघको दुई कार्यकाल अध्यक्ष भएका श्रेष्ठले जिल्ला तथा नगरको समस्याका बारेमा धेरै जानकारी राखेका कारण पनि आफू बिजयी भएपछि जिल्ला नगरको समस्या समाधान गर्न सजिलो हुने बताए । । बिभिन्न सामाजिक संघसंस्थामा पनि कृयाशिल रहेका श्रेष्ठ ब्यापार ब्यवसायका अलवा सामाजिक काममा पनि सकृय छन् ।
क्याटेगोरी : समाचार
तपाईको प्रतिक्रिया दिनुहोस