Techie IT
Thursday, October 22,2020 / बिहीबार, कात्तिक ६, २०७७
×
गृहपृष्ठसमाचारप्रहरीले थाल्यो सवारी अनुगमन तीव्र, ६७ सवारी साधनलाई कारवाही, ६७ हजार राजश्व संकलन

प्रहरीले थाल्यो सवारी अनुगमन तीव्र, ६७ सवारी साधनलाई कारवाही, ६७ हजार राजश्व संकलन


चौतारा । जिल्ला प्रहरी कार्यालय सिन्धुपाल्चोकले पछिल्लो समय स्वास्थ्य मापदण्ड बिपरित गर्ने र ट्राफिक नियम उल्लघन गर्ने सवारी साधनका चालकलाई कारवाही गर्ने काम तीव्र रुपमा अघि बढाएको छ । आजकाल दिनहुँ जसो प्रहरीले जिल्लाका विभिन्न ठाउँमा बसी सावारीसाधनको निगरानी गरिरहेको छ ।

सवारी साधनलाई गरेको कारवाहीबाट प्रहरीले राम्रै राजश्व जम्मा पनि गरेको छ । आज प्रहरीले जिल्लाका विभिन्न ठाउँमा गरी ६७ सवारी साधनलाई कारवाही गरी ६७ हजार ५ सय राजश्व संकलन गरेको छ ।

कोरोना भाइरस महामारी तीव्र रुपमा फैलिरहेको समयमा स्वास्थ्य सुरक्षा सम्बन्धी मापदण्ड बिपरित तोकिएको भन्दा धेरै यात्रु राख्ने १४ सवारी साधनलाई आज प्रहरीले कारवाही गरेको हो । १४ सवारी साधनबाट प्रहरीले १३ हजार राजश्व संकलन गरेको छ । त्यसैगरी ट्राफिक नियम उल्लघंन गर्ने ५७ सवारी साधनका चालकलाई प्रहरीले कारवाही गरेको छ । ५७ सवारी साधनबाट प्रहरीले ५४ हजार ५ सय राजश्व जम्मा गरेको छ ।

त्यसैगरी स्वास्थ्य सुरक्षा मापदण्ड उल्लघंन गर्ने साना ठूला २ सय ५१ सवारी साधनलाई सम्झाइ बुझाइ गरेको छ भने माक्स नलर्गा हिडने ९ सय ११ जनालाई पनि सम्झाइ बुझाइ गरेको छ ।


क्याटेगोरी : समाचार
ट्याग : #breaking


तपाईको प्रतिक्रिया दिनुहोस