Techie IT
Thursday, January 21,2021 / बिहीबार, माघ ८, २०७७
×
गृहपृष्ठसमाचारभूकम्पको केन्द्रविन्दु परेका वडाअध्यक्ष भन्छन्–‘थप त्रास फैलियो’

भूकम्पको केन्द्रविन्दु परेका वडाअध्यक्ष भन्छन्–‘थप त्रास फैलियो’


चौतारा ।

भूकम्पको केन्द्रविन्दू सिन्धुपाल्चोकको बाह्रविसे ९ राम्चेका वडाध्यक्ष सानु लामाले थप त्रास फैलिएको बताएका छन् । सिन्धुखबरसँग कुरा गर्दै उनले भूकम्प गएपछि पहिरोको त्रास बढेकोले तनाव थपिएको बताएका हुन् ।
बाह्रविसेको नागपुजेमा गएको पहिरोले तनाव भइरहेका बेला भूकम्पले त्रास थपिएको उनले बताए ।

राम्चेमा २०७१ सालमा ठूलो पहिरो गएको थियो । जुरे पहिरो राम्चेमै गएको हो । अहिले पानी परिरहेको र भूकम्पको केन्द्रविन्दु राम्चेमै परेकाले समस्या थपिएको उनको भनाई छ । उनले भूकम्पले जमिन हल्लाउँदा जमिन धाँजा फाट्ने र त्यहाँ पानी छिरेर पहिरोको जोखिम बढ्ने बताए । ‘गाउँतिर सबैसँग कुरा गरें, अवस्था सामान्य छ,’ उनले भने, ‘पानी परिरहेको छ, छ, फेरि पहिरो जाने त्रास थपिएको छ।’

पहिरोले धुजा–धुजा पारेको गाउँमा भूकम्पले झन् जोखिम बढाएको उनले बताए। राम्चेमै कोरोनाबाट पहिलो मृत्यु भएको र भूकम्प पनि यही आएकाले गाउँभरि त्रास बढेको उनले बताए। उनले भने, ‘मानिसहरु फेरि पनि धक्का आउँछ कि भनेर डराएका छन्।’


क्याटेगोरी : समाचार
ट्याग : #breaking


तपाईको प्रतिक्रिया दिनुहोस