सोमबार, फागुन १४, २०८०
गृहपृष्ठसमाचारबाढीपहिरोबाट पूर्ण क्षति भएका निजि आवास निर्माणका लागि भूकम्पपीडितले पाउने जति नै रकम पाउने

बाढीपहिरोबाट पूर्ण क्षति भएका निजि आवास निर्माणका लागि भूकम्पपीडितले पाउने जति नै रकम पाउने


चौतारा । मनसुनका कारण २०७७ मा पूर्णरुपमा क्षति भएका व्यक्तिगत आवासहरुको पूर्ननिर्माणको कार्य भुकम्पमा क्षति भएका निजि आवासहरुको निर्माण प्रक्रिया बमोजिम नै हुने भएको छ ।

बिहीबार गृह मन्त्रालय विपद, पूर्वतयारी तथा प्रतिकार्य शाखाको बैठकले २०७२ सालका भूकम्प पीडितले पाएसरहको सुविधा प्रदान गरी सोही विधि र प्रक्रिया बमोजिम शहरी विकास मन्त्रालयले गर्ने निर्णय भएको छ । अब बाढीपहिरो पीडितबाट घर पूर्ण रुपमा क्षति भएका परिवारले प्रति घर निर्माणका लागि तीन लाख पाउनेछन् ।

यसैगरी बाढी पहिरोमा परी जिल्लामा हालसम्म वेपत्ता भएका व्यक्तिहरुका परिवारलाई राज्यबाट मृतक परिवारलाई दिए अनुसारको राहत उपलब्ध गराइने भएको छ । गृह मन्त्रालयले वेपत्ताहरुको शव भेटिएमा दोहोरो नपर्ने गरी वेपत्ता परिवारलाई सो राहत उपलब्ध गराउने निर्णय गरेको हो ।

मृतकका लागि सरकारले प्रतिव्यक्ति २ लाख र परिवारका एक भन्दा बढी व्यक्ति मृत्यु भएका प्रतिव्यक्ति १ लाख बढी दिनेछ ।


क्याटेगोरी : समाचार
ट्याग : #breaking

तपाईको प्रतिक्रिया दिनुहोस

धेरै रुचाईएको
error: Content is protected !!