Techie IT
Wednesday, August 4,2021 / मंगलबार, साउन १९, २०७८
×
गृहपृष्ठसमाचारसिन्धुपाल्चोकमा निषेधाज्ञा थप तीन दिन थपियो

सिन्धुपाल्चोकमा निषेधाज्ञा थप तीन दिन थपियो


चौतारा । सिन्धुपाल्चोकमा लगाइएको निषेधाज्ञा भदौ १७ गतेसम्मको लागि लम्ब्याइएको छ । आज बसेको ‘जिल्ला कोभिड १९ क्राइसिस म्यानेज्मेन्ट सेन्टर’को बैठकले यही भदौ १४ राति १२ बजेसम्मका लागि लगाइएको निषेधाज्ञा तीन दिन थप गरि भदौ १७ गते राति १२ बजे सम्मका लागि लम्ब्याएको हो ।

भदौ १ गतेबाट जिल्लामा निषेधाज्ञा लागू भएको हो । अहिले भैरहेको निषेधाज्ञालाई थप कडाइ गर्ने वा अन्य विकल्प खोज्नेबारे छिट्टै स्थानीय तहका प्रतिनिधिहरुसँग अनलाइन छलफल गरेर टुङ्ग्याउने बैठकले निर्णय गरेको छ । साथै कोरोना संक्रमण तीव्र रुपमा फैलिएकाले जिल्लामा रहेका विभिन्न सरकारी कार्यलयका प्रमुखहरुलाई काठमाडौं आउजाउमा समेत रोक लगाइएको छ ।

जिल्लामा भीडभाड हुने स्थानहरुमा कोरोना संक्रमणको दर पनि बढी हुनाले ती ठाउँहरुका स्थानीयहरुको नमूना संकलन गरि परीक्षण गर्न स्थानीय तहलाई आग्रह गरिएको छ ।


क्याटेगोरी : समाचार, समाज
ट्याग : #breaking


तपाईको प्रतिक्रिया दिनुहोस


error: Content is protected !!