Techie IT
Sunday, February 28,2021 / शनिबार, फागुन १५, २०७७
×
गृहपृष्ठसमाचारयस्तो पहिरोको जोखिममा छ हेलम्बुको बोल्दे (फोटोकथा)

यस्तो पहिरोको जोखिममा छ हेलम्बुको बोल्दे (फोटोकथा)


हेलम्बु ।

४० भन्दा बढी घर रहेको एउटा बस्ती । बस्तीभन्दा तलबाट जमिन धाँजा फाटेको छ । बस्ती मुनी मेलम्ची खानेपानीको सुरुङ खनिएको छ । जमिन चिरा परेको प्रकृति हेर्दा कुनै भाग खस्ने खस्ने सम्भावना रहेको अनुमान लगाउन सकिन्छ ।
बस्ती मुनीबाट पहिरो खस्न लागेपछि हेलम्बु गाउँपालिका ५ स्थित बोल्दे गाउँ जोखिममा परेको छ । स्थानीयवासी भन्छन्, ‘मेलम्ची खानेपानीले सुरुङ खनेको कारण यो अवस्था आएको हो ।’ सुरुङमा विस्फोट गरिएका कारण जमिन कमजोर भएपछि धाँजा फाटेको स्थानीयको दावी छ ।
गाउँपालिका अध्यक्ष निमाग्याल्जेन शेर्पाका अनुसार त्यहाँको भूगोल कच्ची छ । चट्टान नभएको र नरम माटो भएकाले पहिरो जान सक्ने सम्भावना छ ।
अहिले गाउँपालिकाले अति जोखिम भएका केही घरका स्थानीयलाई तत्कालका लागि सुरक्षित स्थानमा सारिसकेको छ । गाउँपालिका अध्यक्ष शेर्पाका अनुसार उनीहरुलाई आवश्यक परेका सामग्री गाउँपालिकाले व्यवस्था गरेको छ । खानेपानीक लागि पाइपलगायत सामग्रीको काम हुँदैछ । पीडितहरुले आफ्नै घरबाट पनि सामग्री लगेका छन् ।
यो बस्ती जोखिम स्थानमा रहेकाले सिंगो गाउँ नै स्थानान्तरण गर्नुपर्ने अध्यक्ष शेर्पा बताउँछन् । ‘बस्ती स्थानान्तरणमा सहयोग गर्न मेलम्ची खानेपानीलाई अनुरोध गरिएको छ ।’ शेर्पाले भने ।

 

तस्वीर सौजन्य ः निमाग्याल्जेन शेर्पा


क्याटेगोरी : समाचार
ट्याग : #breaking


तपाईको प्रतिक्रिया दिनुहोस