गरिब, जेहेन्दार विद्यार्थीलाई भोटेकोशीले एक लाखसम्मको छात्रवृत्ति दिने
फुल्पिङकट्टी ।
भोटेकोशी गाउँपालिकाले गरिब तथा जेहेन्दार विद्यार्थीका लागि एक लाख रुपैयाँ सम्मको छात्रवृत्ति अनुदान दिने भएको छ । सातौं गाउँसभाबाट स्वीकृत कार्यक्रम अन्तर्गत भोटेकोशीले स्वास्थ्य शिक्षा अध्ययन गर्नेका लागि यो छात्रवृत्ति अनुदान दिन लागेको हो ।
अहेब, अनमी, १८ महिने जेटीए र १८ महिने भेटेरीनरी पढ्नेहरुका लागि यो सुविधा दिइने गाउँपालिका अध्यक्ष राजकुमार पौडेलले जानकारी दिए । उनकाअनुसार गाउँपालिकाभित्रका विद्यालयबाट एसइइ या एसएलसी उत्तीर्ण विद्यार्थीहरुलाई यो सुविधा दिइने छ ।
गाउँपालिकाले आवश्यक कागजात लिएर निवेदन दिनका लागि विद्यार्थीहरुमा आव्हान गरेको छ । नेपाली नागरिकताको प्रतिलिपी, चार वटा पासपोर्ट साइजको फोटो, एसइइ या एसएलसी उत्तीर्णको लब्धाङ्क पत्र र चारित्रिक प्रमाणपत्रसहित निवेदन दिन अनुरोध गरिएको गाउँपालिकाले जनाएको छ ।
क्याटेगोरी : समाचार
ट्याग : #breaking
तपाईको प्रतिक्रिया दिनुहोस