‘शेरबहादुरले वीपी अध्ययन केन्द्र बनाउन सांसद विकास कोषको पैसा दिएका हुन्’ : सभापति लामा

चौतारा । नेपाली काँग्रेस सिन्धुपाल्चोकका सभापति विकास लामाले नेपाली काँग्रेसको पार्टी कार्यालय भवन बनाउन नभई वीपी अध्ययन केन्द्र बनाउन सांसद कोषबाट पैसा लिएको बताएका छन् । सिन्धु खबरसँग कुरा गर्दै उनले सांसद शेर बहादुर तामाङले वीपी अध्ययन केन्द्र एउटा सामाजिक संस्था भएको र सोही भवन निर्माणका लागि पैसा हालिदिएको बताएका हुन् । आफूले आफ्नो घर बनाउन नभई पार्टी कार्यलय बनाउन सहयोग लिएको बताउँदैं सभापति लामाले सहयोगका लागि शेरबहादुर तामाङलाई धन्यवाद दिर्नुपर्ने बताए । सांसद तामाङले केही सहयोग गर्नु छ भने भन्नुस भनेकाले भवन निर्माणका लागि आफूले सहयोग गरिदिन आग्रह गरेको बताए । उनले आगामी दिनमा अन्य फरक पार्टीका अन्य नेताले सहयोग दिए पनि आफूले लिने बताए । उनले हिजो मनमोहनलाई पनि नेपाली काँग्रेसले पैसा दिएको सम्झदैं लामाले वीपी जस्तो महान व्यक्तिको नाममा सांसद शेरबहादुरले सहयोग दिएको स्पष्ट पारे ।

नेकपाबाट पार्टी कार्यालय भवन निर्माण गर्न पैसा लिएको भन्दै काँग्रेसकै एक खेमाले विरोध गरेका छन् त भन्ने प्रश्नमा नेता लामाले नबुझेर मात्रै यस्तो विरोध आएको बताए । आफूले पार्टीको संस्था बनाउन र पार्टी बनाउनकालागि सहयोग लिएको पनि उनले स्पष्ट पारे ।