विपीको सिद्धान्तमा हिड्न कांग्रेसको अपिल

चौतारा ।
नेपाली काँग्रेसका संस्थापक अध्यक्ष वि पी कोइरालाको ३८ औ स्मृति दिवस मंंगलबार चाैतारामा अन्तरक्रिया कार्यक्रम गरी मनाईएको छ। यस अवसरमा नेपाली कांग्रेस आबद्ध नेता तथा कार्याकर्ताहरुले    वीपीले देखाएको  सिद्धान्तको बाटोमा सबै एकजुट भएर लाग्नुपर्नेमा जोड दिएका छन्।

पाटीभित्रका सक्रिय कार्याकर्तालाई गुट उपगुट बनाउन तर्फ नभइ साच्ची कै परीवर्तन गर्न सक्ने क्षमता भएका युवालाइ प्रशिक्षणका माध्यमबाट अगाडी ल्याउनुपर्नेमा पाटी सभापति विकास लामाले जाेड दिए । सभापति लामाले कोरोना भाइरस र प्रकृतिक विपतीको यस घडीमा जनताको दुखमा पाटीले सक्दो सहयोग गर्नुपर्ने समेत बताए ।

इन्द्रावाती गाँउपालिकाका अध्यक्ष बंशलाल तामाङले समसामयीक वर्तमान राजनितीका अवस्थाका बारेमा जानकारी गराए । उनले जिल्लामा नेपाली कांग्रेसलाई सक्रिय बनाउन आवश्यक रहेको बताए । गुट उपगुट पक्षमा लागेर पाटीलाई विपक्षी समक्ष कमजोर नबनाउन पनि उनले सबैलाई आग्रह गरे । गुट उपगुटको अन्त्य गरि कांग्रेसलाई अगाडी बढाएर जानुपर्नेमा अध्यक्ष तामाङले जाेड दिए ।