प्लम्ब ढलानले बाढीबाट बच्यो बाह्रबिसे बजार

बाह्रबिसे । बाह्बिसे नगरपालिका ४ पूरानो बजारमा निमार्ण गरिएको प्लम्ब ढलानले बाह्रबिसे बजारका साँढे दुई सय बढी घर रहेको बस्ती संरक्षण गरेको छ । प्लम्ब ढलानले केही दिन अघि भोटेकोशी नदीमा आएको भीषण बाढी बस्तीमा पस्नबाट जोगिएको छ । स्थानीय समाजसेवी बिक्रम श्रेष्ठका अनुसार उक्त प्लम्ब ढलान नभईदिएको भए बाढीले बाह्रबिसे बजारको पूरानो बस्तीका साथै माथिल्लो बजार समेत बगाउने खतरा थियो ।

तर प्लम्ब ढलानले सबै बजार संरक्षण गरेको उनले जानकारी दिएका छन् । बागमती प्रदेशका उद्योग, वन तथा पर्यटन मंत्री अरुण नेपालले २५ लाख बजेट विनियोजन गरिदिएपछि पूरानो बजारको जम्बुटोलमा प्लम्ब ढलान निमार्ण भएको छ । उक्त बजेट ल्याउन बाह्रबिसे नगरपालिकाका मेयर निमफूञ्जो शेर्पाको महत्वपूर्ण भूमिका रहेको बिक्रम श्रेष्ठले बताएका छन् । त्यस्तै गत बर्ष प्रतिनिधि सभा १ का सांसद तथा सभामुख अग्नि प्रसाद सापकोटाले पनि बस्ती संरक्षण गर्नका लागि ५० लाख बजेट उपलब्ध गराएका थिए । उक्त बजेटले पूरानो बजारमा आरसिसी ढलान भएको थियो ।

सो आरसिसी ढलान निमार्णले बाढी बस्तीमा पस्नबाट जोगाएको थियो । प्लम्बवाल र आरसिसी ढलान निमार्णले बजार क्षति हुनबाट बचेको पूरानो बजार प्लम्बवाल निमार्ण उपभोक्ता समितिका अध्यक्ष नवीन श्रेष्ठले बताएका छन् । साथै उक्त निमार्ण कार्यले नदीले बगाएको बाटो निमार्ण भएको, बाटोघाटो बढेको उनले जानकारी दिएका छन् । पूरानो बजारमा नदीले तानेको बस्तीलाई प्लम्बवाल र आरसिसी ढलानले सुरक्षित गरेपछि स्थानीय खुशी भएका छन् ।