बिहीबार, मंसीर २३, २०७८
गृहपृष्ठसमाचारभोटेकोशीका बाढी पीडित चार जनालाई थप उपचारका लागि काठमाडौं पठाइदैं

भोटेकोशीका बाढी पीडित चार जनालाई थप उपचारका लागि काठमाडौं पठाइदैं


बाह्रबिसे । सिन्धुपाल्चोकको भोटेकोसी गाउँपालिकाले एक गर्भवती महिला र गत बिहिवारको बाढीमा परेका सहित ४ जनालाइ उपचारको लागि काठमाडौं पठाउन लागेको छ । गाउँपालिकाले गर्भवती महिलालाइ सडक मार्गबाट उपचारमा लैजान नसक्ने भएपछि हेलिकप्टर बाट लैजान लागेको भोटेकोसी गाउँपालिकका अध्यक्ष राजकुमार पौडेलले बताए ।

अध्यक्ष पौडेलका अनुसार गत बिहिवार बाढीमा हराएका एक जनालाई २४ घन्टा पछि भेटियो उनलाइ उपचारको लागि काठमाडौं पठाउन लागिएको बताए । त्यस्तै एक दिर्घ रोगी र अर्का बाढी पीडितलाई उपचारको लागि काठमाडौं पठाउन लागिएको हो । अहिले भोटेकोसी गाउँपालिकाका करिब २ सय जना बाढीबाट प्रभावित बनेका छन् । उनीहरुलाइ सुख्खा बन्दरगाह अर्थात तातोपानी भन्सार कार्यालयको यार्डमा राखिएको छ ।

अहिले काठमाडौंबाट राहत सामाग्री सहित बिरामी लैजान गाउँपालिकाले ४ वटा हेलिकप्टर मगाएका छ । यस भेगका धेरै स्थानीय बाढीबाट प्रभावित बनेका छन उनीहरुको लागि अहिले गाउँपालिकाले बसोबास र खानाको व्यवस्थापन गरिरहेको भोटेकोशी गाउपलिकाका कार्यकारी अधिकृत मोहन निरौलाले जानकारी दिए।


क्याटेगोरी : समाचार
ट्याग : #breaking

तपाईको प्रतिक्रिया दिनुहोस

धेरै रुचाईएको
error: Content is protected !!