चौतारा । काभ्रेपलाञ्चोकका तीन जना इन्द्रावती नदीले बगाउँदा बेपत्ता भएका छन् । शुक्रबार र शनिबार गरी तीनजना बेपता भएका हुन् । काभ्रेको मण्डनदेउपूर नगरपालिका वडा नम्बर १० का १३ वर्षीया बालक अभिशेक नेपाली शुक्रबार इन्द्रावती नदीमा बेपत्ता भएका हुन् ।
पौडी खेल्ने क्रममा बेपत्ता भएका उनको खोजीका लागि सशस्त्र प्रहरीको गोताखोर प्रयोग गरिएपनि अझै फेला परेका छैनन् । अभिशेक साथीहरुसँग पौडी खेल्न शुक्रवार इन्द्रावती नदीमा गएका थिए । शनिबार अन्य दुईलाई पनि नदीले बगाएको छ । सम्फु माझी र चन्द्रबहादुर तामाङलाइ इन्द्रावती खोलाले बगाएको छ ।
चौतारा साँगाचोकगढी नगरपालिका ११ का वडा अध्यक्ष सुशील माझिका अनुसार उनिहरुमध्ये तामाङ सिन्धुपाल्चोकको चौतारा साँगाचोकगढी( ११ मा होटल व्यवसाय सञ्चालन गर्दै आएका थिए भने माझी खेतीपातीको लागि आउने गर्थे । तामाङ काभ्रे घरमा गएर सिन्धुपाल्चोक आउने क्रममा शनिबार साँझ बेपत्ता भएका हुन् । उनको झोला करिब १ किलोमिटर तल फेला परेको छ । तीनैजनाको अहिलेसम्म अतोपतो छैन् ।
क्याटेगोरी : समाचार
ट्याग : #breaking
तपाईको प्रतिक्रिया दिनुहोस