लार्चामा मानवीय क्षति भएको स्थानीयको भनाईः सुरक्षाकर्मी जान सकेनन्

तातोपानी ।

लार्चा पहिरोले मानवीय क्षति भएका अनुमान गरेपनि सुरक्षाकर्मी घटनास्थल पुग्न सकेका छैनन् । भोटेकोशी गाउँपालिका–३ लार्चाको पश्चिम डाँडाको भिरालो जमिनमा पहिरो गएर कम्तिमा २ जना पुरिएको स्थानीयको भनाई छ ।
सोही गापा–४ का वडाअध्यक्ष साङ्दोर्जे शेर्पाका अनुसार सुरक्षाकर्मीसमेत उक्त स्थानमा जान सकेका छैनन् । उनका अनुसार आज विहानै देखि त्यहाँका स्थानीय पहिरो आएको भन्दै भागाभाग गरेका थिए । शेर्पाका अनुसार लार्चा खोलामा आएको बाढीले कम्तिमा ७ घर बगाइसकेको छ । त्यहाँका वासिन्दालाई तातोपानी भन्सारको सुख्खाबन्दर्गाहमा राखिएको छ ।
‘बाढी आउने र घर बगाउने क्रम रोकिएको छैन,’ वडाअध्यक्ष शेर्पाले भने । लार्चा र आसपासमा जताततै पहिरो आइरहेकाले सुरक्षाकर्मीलाईसमेत हिडडूल गर्न कठिन भएको छ । बाढी लार्चास्थित भैरवकुण्ड जलविद्युत आयोजनातिर जान लागेको उनले जानकारी दिए । भैरवकुण्ड नै लार्चा खोलाको मुहान हो । उक्त खोला लेकाली भेगबाट बगेको छ । भूकम्पबाट क्षतविक्षत भएको उक्त क्षेत्रबाट बढीमात्रामा माटो र ढुंगा वग्ने गरेको छ । त्यसैको कारण खोला थुनिने र वग्ने हु“दै जा“दा बाढीको रुपमा लिएको अनुमान स्थानीयको छ ।