कक्षा ११ को परीक्षा पनि नलिने

काठमाडौं । यस वर्ष कक्षा ११ को पनि बोर्ड परीक्षा नहुने भएको छ । कोरोना भाइरस र लकडाउनका कारण दुई महिनादेखि रोकिएको परीक्षा नहुने निर्णय भएको हो । कक्षा ११ को परीक्षा वैशाख २१ गतेबाट सञ्चालन गर्ने तय भएको थियो ।

अब आन्तरिक मूल्याङ्कनबाट विद्यार्थीहरुलाई प्रमाणपत्र दिइनेछ । गत शुक्रबार बसेको पाठ्यक्रम विकास तथा मूल्याङ्कन परिषद्को बैठकले विद्यालयले नै आन्तरिक मूल्याङ्नबाट परीक्षाफल प्रकाशन गर्ने निर्णय गरेको हो । विद्यार्थीहरुको आन्तरिम मूल्याङ्कन कसरी गर्ने भनेर कार्यविधि बनाउने जिम्मा राष्ट्रिय परीक्षा बोर्डलाई दिइएको छ ।

कार्यविधि अनुसार सम्बन्धित कलेजलहरुले विद्यार्थीहरुलाई अंक प्रदान गर्नेछन् । यसअघि कोरोना संक्रमणको जोखिमका कारण माध्यमिक शिक्षा परीक्षा ९एसईई० पनि नगर्ने निर्णय भएको थियो । तर कक्षा १२ को परीक्षा के गर्ने भन्नेबारे भने निर्णय भएको छैन ।