आज कुवेतबाट १५ जना सिन्धुपाल्चोक आउँदैं(नामावलीसहित)

सिन्धु खबर जेठ ३०, २०७७ गते १०:१३ मा प्रकाशित

चौतारा । कुवेतबाट आजपनि सिन्धुपाल्चोकका विभिन्न स्थानका महिलाहरु आउँदैछन् । आज जिल्लाका १५ महिला काठमाडौं हुँदै सिन्धुपाल्चोक आउन लागेको डीएसपी माधव काफ्लेले जानकारी दिए । उनीहरु दिउँसो १ बजेर ५० मिनेटमा काठमाडौं आइपुग्ने बताइएको छ ।

उनीहरु मेलम्ची, चौतार नगरपालिका र जुगल, इन्द्रावती, हेलम्बु गाउँपालिकाका छन् । विदेशमा आममाफी पाएर उनीहरु नेपाल आउन लागेका हुन् । कोरोना महामारीमा भिसाअवधि सकिएर पनि बसिरहेकाहरुलाई कुवेत सरकारले आममाफी दिएर स्वदेश फर्काएको हो ।

उनीहरुलाई कुवेत सरकारले सेल्टरमा खान बस्न दिएर राखेको थियो । उनीहरुलाई कुवेत सरकारले नै नेपाल ल्याइदिन लागेको हो । । उनीहरुलाई विभिन्न स्थानीय तहहरुले काठमाडौंबाट जिल्ला ल्याएर क्वारेन्टाइन्मा राख्नेछन् । यसअघि हिजो कुवेतबाट २४ महिला र युएईबाट ७ जना सिन्धुपाल्चोकका आइसकेका छन्।