चौतारा । बलेफि गाउँपालिका-६ मांखामा द्धन्द्धकालका राखिएको बम भेटिएको छ । वडा नम्बर ६ मा स्वास्थ्य चौकी भवन बनाउनका लागि जग खन्दै गर्दा हिजो नै बम भेटिएको वडाध्यक्ष चित्र लामाले जानकारी दिए । बम भेटिएपछि तत्कालिन अवस्थामा बम राख्ने व्यक्तिले नै यसले केही असर गर्दैन भनेकाले प्रहरीमा खबर नगरिएको स्थानीयले बताएका छन् ।
तर फेरि भोलि केही भइहाल्यो भने संकट आउन सक्ने भन्दै केही स्थानीयले प्रहरीलाई खबर गरेका थिए । प्रहरीलाई खबर प्राप्त हुनासाथ आज बिहानै घटनास्थलमा प्रहरी सहायक निरिक्षक चित्र बहादुर खुलालको कमाण्डमा दुई जनाको टोली घटनास्थल पुगेको थियो । साथै शसस्त्रको टोली पनि सो स्थानमा पुगेको थियो ।
उक्त स्थानमा सुनकोशी हाइडोपावर क्याम लामोसाँघुबाट सहायक सेनानीको कमाण्डमा पाँच जनाको टोली पनि खटि गएको डीएसपी माधव प्रसाद काफ्लेले जानकारी दिए ।
उक्त स्थान सुरक्षित राखिएको र बम डिस्पोजका लागि श्री गोरक बक्स गण चौतारा ब्यारेकबाट टोली खटाइएको उनले जानकारी दिए । प्रहरीले शंकास्पद वस्तु फेला परेमा नछोइ नचलाइ सुरक्षा निकायमा खबर गर्न पनि अनुरोध गरेको छ ।
द्धन्द्धकालीन समयमा मांखा तत्कालीन माओवादीको उर्वर भूमिको रुपमा चिनिन्थ्यो । सो ठाउँमा दन्द्धकालमा बम भण्डारण गर्ने गरिएको स्थानीय नेकपा कार्याकर्ताले बताएका छन् ।
क्याटेगोरी : समाचार, समाज
ट्याग : #breaking
तपाईको प्रतिक्रिया दिनुहोस